فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ 22-تۋرىندا ەلوردالىق «استانا» كەزەكتٸ جەڭٸسٸنە قول جەتكٸزدٸ, دەپ حابارلايدى قازاقپارات.
ەلوردالىق كلۋب بٷگٸن ٶز الاڭىندا «تاراز» كومانداسىن قابىلدادى. ويىن بارىسىندا «استانا» قارسىلاستار قاقپاسىنا جاۋاپسىز ٷش گول سوقتى. ونى مارين توماسوۆ 1, 21, تيگران بارسەگيان 7-مينۋتتاردا ٶزٸنٸڭ ەنشٸسٸنە جازدى.
وسىلايشا «استانا» 3:0 ەسەبٸمەن جەڭٸسكە جەتٸپ, تۋرنير كەستەسٸندە 50 ۇپايمەن كٶش باسىنا شىقتى. قازٸر ولار چەمپيوندىقتان تاعى بٸر ٷمٸتكەر سانالىپ جٷرگەن «توبىلدان» تٶرت ۇپايعا ۇزاپ كەتتٸ. دەگەنمەن قوستانايلىق كلۋب قازٸر سىرت الاڭدا «اتىراۋمەن» كەزدەسۋدە. تاعى بٸر ويىندا «ورداباسى» مەن «كاسپيي» شەبەرلٸك بايقاسىپ جاتىر.
سونداي-اق, بٷگٸن «اقجايىق» پەن «قايسار» 1:1 ەسەبٸمەن تەڭ وينادى.
ال 26 قىركٷيەكتە الماتىنىڭ «قايراتى» سىرت الاڭدا قاراعاندىنىڭ «شاحتەرٸمەن» 1:1 ەسەبٸنە قاناعات بٸلدٸردٸ. تٷركٸستاننىڭ «تۇرانى» سىرت الاڭدا پەتروپاۆلدىڭ «قىزىلجارىن» 1:0 ەسەبٸمەن تٸزە بٷكتٸرسە, ٶز الاڭىندا «اقتٶبە» تالدىقورعاننىڭ «جەتٸسۋىنان» 2:0 ەسەبٸمەن باسىم تٷستٸ.
