Búgin fýtboldan Premer-liga komandalary arasynda Qazaqstan chempionatynyń 17-týry máresine jetti, dep habarlaidy "Ult aqparat".
Atalǵan týrdaǵy sońǵy oiynda Jambyl oblysynyń «Taraz» jáne elordalyq «Astana» komandalary kezdesti. Jambyldyq klýb buǵan deiin týrnir kestesinde toǵyzynshy orynda tursa, elordalyq komanda tórtinshi orynǵa jaiǵasqan bolatyn. Sondyqtan eki komanda úshin de jeńiske jetý aýadai qajet edi.
Kezdesýde «Taraz» fýtbolshylary jinaqy qimyl kórsetti. Nátijesinde olardyń qatarynan 33-minýtta Serj Niýadzi mergendigimen kózge tústi. Osylaisha «Taraz» azýly qarsylasyn 1:0 esebimen jeńip ketti.
Sondai-aq, atalǵan týrda «Tobyl» «Qaisardy» 3:0, «Shahter» «Oqjetpesti» 2:1 esebimen jeńse, «Qyzyljar» men «Kaspii» 1:1 esebimen teń oinady.
Al Almatynyń «Qairaty» Shymkenttiń «Ordabasy» klýbyn 3:0 esebimen jeńip, óz tarihynda 16 jyldan keiin úshinshi márte chempiondyq ataqqa qol jetkizdi.
Endi komandalar el birinshiliginde azdaǵan úziliske shyǵady. Fýtboldan Qazaqstan quramasy Ulttar ligasynda 12 jáne 15 qarasha kúnderi kezekti oiyndaryn ótkizedi.
