Búgin fýtboldan Premer-liga komandalary arasynda Qazaqstan chempionatynyń 19-týrynda elordalyq «Astana» qaraǵandylyq «Shahterden» jeńilip qaldy, dep habarlaidy "Ult aqparat".
Bul oiynda qaraǵandylyq komanda 3:1 esebimen jeńiske jetti. Oiynnyń 7-minýtynda «Shahter» sapynan Rýslan Mingazov esep ashty. Al qaraǵandylyq fýtbolshy Sergei Zenev 24-minýtta esepti ústemelei tústi. Qaraǵandylyq Erkin Tapalov 69-minýtta mergendigimen kózge tústi. «Astana» sapynan 90 minýtta Didar Jalmuqan esep aiyrmasyn qysqartty.
Búgin atalǵan týrdaǵy «Ordabasy» men «Qaisar», «Jetisý» men «Taraz» komandalary kezdesýde. Birinshi kezeńnen keiin «Ordabasy» men «Qaisar» 0:0 esebimen teń oinasa, «Taraz» «Jetisýdan» 1:0 esebimen basym boldy.
