QR Memlekettik qyzmet isteri jáne sybailas jemqorlyqqa qarsy is-qimyl agenttiginiń tóraǵasy Qairat Qojamjarov "SK-Farmatsiia" JShS-dan jymqyrylǵan aqshalarǵa qatysty tergeýdiń qalai júrgizilip jatqanyn aityp berdi, - dep habarlaidy "Ult aqparat" Tengrinews.kz portalyna silteme jasap.
"Jaqynda Prezident dári-dármek baǵasy jaily aityp ótken bolatyn. Qazaqstanda dári-dármek óte qymbat. Belarýspen, Reseimen, Ózbekstanmen salystyrǵanda qymbat. Sizder "SK-Farmatsiia" basshylyǵynyń qamaýǵa alynǵanyn bilesizder. Tergeý júrip jatyr. Bul isti sotqa deiin jetkizemiz. Qylmystyq jolmen tabysqa jetý maqsatynda dári-dármek baǵasy eki-úsh ese qymbat baǵamen satylyp otyrǵan", - dedi Qairat Qojamjarov jýrnalisterge.
Eske sala keteiik, biyl qazan aiynda "SK-Farmatsiia" basshysy tutqyndalyp, kompaniiadan 1,8 milliard teńgeniń qoldy bolǵany habarlanǵan bolatyn.
"2015-2017 jyldary "SK-Farmatsiia" JShS jáne "KazSibFarmatseia" JShS-nyń basshylary 1,8 milliard teńgeni jymqyrǵan. Osyǵan bailanysty Kasatkin men "KazSibFarmatseia" JShS-nyń basshysy A.O. Ahmetovke qatysty tutqyndaý túrindegi bultartpaý sharasy qoldanyldy. Sotqa deiingi tergeý júrip jatyr", - delingen habarlamada.
