Bas prokýror Qairat Qojamjarov bas kólik prokýratýrasyna jáne oblys prokýrorlaryna jolaýshylar tasymaldaý salasyn tekserýdi tapsyrdy, dep habarlaidy "Ult aqparat" sputniknews.kz agenttigine silteme jasap.
"Jolaýshylardy avtomobilmen turaqty emes tasymaldaý salasyna jasalǵan taldaý bul salada júieli zań buzýshylyqtar bar ekenin kórsetti", — dep habarlady bas prokýratýra.
Resmi habaralmada elimizde tasymaldaý salasynda tehnikalyq turǵydan jaramsyz jáne zańsyz qaita jabdyqtalǵan avtobýstar qyzmet kórsetetini jazylǵan, olardyń ruqsat qujattary joq jáne jol qozǵalysy, jolaýshylardy tasymaldaý jáne órt qaýipsizdigi erejelerin saqtamaidy.
"Bul azamattardyń ómiri men densaýlyǵyna orny tolmas zardap qaýpin týdyrady – jolaýshylar avtokólikterindegi oqiǵalar adam ólimine sebep bolyp otyr. Osyǵan bailanysty, bas prokýror Qairat Qojamjarov bas kólik prokýratýrasyna jáne oblys prokýrorlaryna atalǵan salada tekserýler uiymdastyrýdy tapsyrdy", — dep túiindedi bas prokýratýra.
Atalǵan sharalar jolaýshy tasymaldaý talaptaryn óreskel buzatyn tasymaldaýshylardyń jolyn kesýdi, sondai-aq joldardaǵy apattar men tótenshe jaǵdailardy azaitýdy kózdeidi.
Esterińizge sala keteiik, 2018 jyldyń 18 qańtarynda Aqtóbe oblysynda jolaýshylar avtobýsynyń órtenýi saldarynan 52 adam qaza bolyp, 5 adam túrli dárejedegi jaraqat aldy.
