باس پروكۋرور قايرات قوجامجاروۆ باس كٶلٸك پروكۋراتۋراسىنا جەنە وبلىس پروكۋرورلارىنا جولاۋشىلار تاسىمالداۋ سالاسىن تەكسەرۋدٸ تاپسىردى, دەپ حابارلايدى "ۇلت اقپارات" sputniknews.kz اگەنتتٸگٸنە سٸلتەمە جاساپ.
"جولاۋشىلاردى اۆتوموبيلمەن تۇراقتى ەمەس تاسىمالداۋ سالاسىنا جاسالعان تالداۋ بۇل سالادا جٷيەلٸ زاڭ بۇزۋشىلىقتار بار ەكەنٸن كٶرسەتتٸ", — دەپ حابارلادى باس پروكۋراتۋرا.
رەسمي حابارالمادا ەلٸمٸزدە تاسىمالداۋ سالاسىندا تەحنيكالىق تۇرعىدان جارامسىز جەنە زاڭسىز قايتا جابدىقتالعان اۆتوبۋستار قىزمەت كٶرسەتەتٸنٸ جازىلعان, ولاردىڭ رۇقسات قۇجاتتارى جوق جەنە جول قوزعالىسى, جولاۋشىلاردى تاسىمالداۋ جەنە ٶرت قاۋٸپسٸزدٸگٸ ەرەجەلەرٸن ساقتامايدى.
"بۇل ازاماتتاردىڭ ٶمٸرٸ مەن دەنساۋلىعىنا ورنى تولماس زارداپ قاۋپٸن تۋدىرادى – جولاۋشىلار اۆتوكٶلٸكتەرٸندەگٸ وقيعالار ادام ٶلٸمٸنە سەبەپ بولىپ وتىر. وسىعان بايلانىستى, باس پروكۋرور قايرات قوجامجاروۆ باس كٶلٸك پروكۋراتۋراسىنا جەنە وبلىس پروكۋرورلارىنا اتالعان سالادا تەكسەرۋلەر ۇيىمداستىرۋدى تاپسىردى", — دەپ تٷيٸندەدٸ باس پروكۋراتۋرا.
اتالعان شارالار جولاۋشى تاسىمالداۋ تالاپتارىن ٶرەسكەل بۇزاتىن تاسىمالداۋشىلاردىڭ جولىن كەسۋدٸ, سونداي-اق جولدارداعى اپاتتار مەن تٶتەنشە جاعدايلاردى ازايتۋدى كٶزدەيدٸ.
ەستەرٸڭٸزگە سالا كەتەيٸك, 2018 جىلدىڭ 18 قاڭتارىندا اقتٶبە وبلىسىندا جولاۋشىلار اۆتوبۋسىنىڭ ٶرتەنۋٸ سالدارىنان 52 ادام قازا بولىپ, 5 ادام تٷرلٸ دەرەجەدەگٸ جاراقات الدى.
