Ońtústik Qazaqstan oblysynda Qoja Ahmet Iasaýidiń 100-ge jýyq esh jerde jariialanbaǵan hikmetteri tabyldy, dep habarlaidy QazAqparat.
HVI ǵasyrǵa tán 475 bettik qoljazba sairamdyq belgili tarihshy, Turan ǵylym akademiiasynyń akademigi Mirahmad Mirhaldarulynyń qoljazbalar qorynda saqtalypty. Qundy qoljazba qoǵamdyq sanany jańǵyrtý jónindegi Ońtústik Qazaqstan oblysynyń jobalyq keńsesi «Rýhani qazyna» kishi baǵdarlamasy aiasynda tabylyp otyr.
Atalǵan keńse kóne tarihtan syr shertetin ortaǵasyrlyq qundy jazba muralarymyzdy zertteýge baǵyttalǵan «Babalar murasy izimen» jobasyn qolǵa alǵan bolatyn. Joba aiasynda rýhani qundylyqtardy izdeý jumystary júrgizilip, nátijesinde túrli kezeńderde ómir súrgen aqyn-jazýshylar men olarǵa tiesili birneshe qoljazba muralar tabyldy. Sol qundy jádigerlerdiń biregeii sanalatyn Iasaýidiń hikmetteri buryn qazaq tilinde jariialanbaǵany dáleldenip otyr.
Oblystyq «Tarihi-mádeni murany qorǵaý, qalpyna keltirý jáne paidalaný jónindegi ortalyqtyń» bólim meńgerýshisi, «Rýhani qazyna» kishi baǵdarlamasynyń ákimshisi Hamidýlla Tadjievtiń sózine qaraǵanda, jańadan tabylǵan qoljazba shamamen HÚI ǵasyrǵa tiesili jáne buryn baspa betin kórgen hikmetterden aitarlyqtai aiyrmashylyqtary bar deýge bolady. Iasaýidiń jańadan tabylǵan hikmetterin qazaq tiline aýdarý, baspaǵa daiyndaý - Iasaýitaný salasyndaǵy ózekti máselelerdiń biri bolyp otyr.
Búginde qundy jazbalardyń transkriptsiiasy men qazaq-túrik tilderine aýdarý jumysy qolǵa alynyp, atalǵan sharaǵa belgili shyǵystanýshy ǵalym, f.ǵ.k., dotsent Tóráli Qydyr jáne túrkiialyq áriptesi Nadirhan Hasan úles qosýda.
Jalpy ǵalymdar Iasaýi týraly biraz zerttelip, kóptegen eńbekter jazylǵanymen, áli kúnge deiin jaryqqa shyqpaǵan dúnieleri jeterlik ekenin aitady. Aqyn qalamyna tiesili «Diýani hikmettiń» túpnusqasynyń tabylmaýy, odan basqa qandai týyndylar jazǵany, silsilásiniń (altyn tizbeginiń) qashan úzilgeni sekildi máseleler óz sheshimin tappai keledi. Álem kitaphanalarynan tabylyp, búginge deiin jaryq kórip jatqan Iasaýi hikmetteriniń basym bóligi - HIH ǵasyrdyń sońy men HH ǵasyrdyń basynda Qazan shaharynda basylǵan nusqalardan daiyndalǵan.
