Órkenietti elderdegi ózge ult ókilderi birneshe til biletindikterin mártebe sanasa, bizdegi jańa qazaqtardyń basym kópshiligi óz ana tilin bilmeitindikterin maqtanysh kóredi.
***
Bastyq bolǵan qazaqtyń baiymaityny kemde-kem. Oǵan, árine, qasynda júrgen kedeilerdiń ózderi kináli
***
Burynǵylar hanǵa «dat» deitin. Sol kezde han: «Datyń bolsa, ait!» deýshi edi. Qazir sol «datyń bolsa, ait» deýdiń ornyna «túrmege jap!» deýge beiimdelip baramyz ba, qalai ózi...
***
Táýmendi ziialylardan táýelsiz ideia týmaidy.
***
Árkimge eliktei bersek, qazaqtyǵymyzdan túk qalmaidy.
***
Aqyl da aqsha sekildi – ornymen jumsaǵandy súiedi.
***
Ózgeni jeńý – myqtylyq, ózińdi jeńe bilý – qudiret.
***
Basshynyń ózimshildigi ómirdi qiyndatady.
***
Halyqtyń pikirimen sanaspaǵan hannyń baǵy qaitady.
***
Oianbaǵan qazaq kúresker bola almaidy.
***
Jeti atasyn bilmegeni úshin jetimder kináli emes.
***
Bassyz bergen mal – mazaq.
Baqsyz bergen til – mazaq.
***
Qaryzǵa batqan eldiń urpaqtary qor bolady.
***
Ulttyq sana-sezimin joǵaltqan ult quridy.
***
Jaǵympazdary ottaǵan emes, jasampazdary qaptaǵan qoǵamda ómir súrgim keledi.
***
Ziialylar kóp-aq, biraq ziiandylar odan da kóp.
***
Aýrý basqa kóp aqyldyń keregi joq.
Bolat Shaimanuly, ardager jýrnalist, zańger.
Almaty.
Derekkózi: «Jas Alash» gazeti
