ٶركەنيەتتٸ ەلدەردەگٸ ٶزگە ۇلت ٶكٸلدەرٸ بٸرنەشە تٸل بٸلەتٸندٸكتەرٸن مەرتەبە ساناسا, بٸزدەگٸ جاڭا قازاقتاردىڭ باسىم كٶپشٸلٸگٸ ٶز انا تٸلٸن بٸلمەيتٸندٸكتەرٸن ماقتانىش كٶرەدٸ.
***
باستىق بولعان قازاقتىڭ بايىمايتىنى كەمدە-كەم. وعان, ەرينە, قاسىندا جٷرگەن كەدەيلەردٸڭ ٶزدەرٸ كٸنەلٸ
***
بۇرىنعىلار حانعا «دات» دەيتٸن. سول كەزدە حان: «داتىڭ بولسا, ايت!» دەۋشٸ ەدٸ. قازٸر سول «داتىڭ بولسا, ايت» دەۋدٸڭ ورنىنا «تٷرمەگە جاپ!» دەۋگە بەيٸمدەلٸپ بارامىز با, قالاي ٶزٸ...
***
تەۋمەندٸ زييالىلاردان تەۋەلسٸز يدەيا تۋمايدى.
***
ەركٸمگە ەلٸكتەي بەرسەك, قازاقتىعىمىزدان تٷك قالمايدى.
***
اقىل دا اقشا سەكٸلدٸ – ورنىمەن جۇمساعاندى سٷيەدٸ.
***
ٶزگەنٸ جەڭۋ – مىقتىلىق, ٶزٸڭدٸ جەڭە بٸلۋ – قۇدٸرەت.
***
باسشىنىڭ ٶزٸمشٸلدٸگٸ ٶمٸردٸ قيىنداتادى.
***
حالىقتىڭ پٸكٸرٸمەن ساناسپاعان حاننىڭ باعى قايتادى.
***
ويانباعان قازاق كٷرەسكەر بولا المايدى.
***
جەتٸ اتاسىن بٸلمەگەنٸ ٷشٸن جەتٸمدەر كٸنەلٸ ەمەس.
***
باسسىز بەرگەن مال – مازاق.
باقسىز بەرگەن تٸل – مازاق.
***
قارىزعا باتقان ەلدٸڭ ۇرپاقتارى قور بولادى.
***
ۇلتتىق سانا-سەزٸمٸن جوعالتقان ۇلت قۇريدى.
***
جاعىمپازدارى وتتاعان ەمەس, جاسامپازدارى قاپتاعان قوعامدا ٶمٸر سٷرگٸم كەلەدٸ.
***
زييالىلار كٶپ-اق, بٸراق زيياندىلار ودان دا كٶپ.
***
اۋرۋ باسقا كٶپ اقىلدىڭ كەرەگٸ جوق.
بولات شايمانۇلى, ارداگەر جۋرناليست, زاڭگەر.
الماتى.
دەرەككٶزٸ: «جاس الاش» گازەتٸ
