Qazaqstan qosymsha bak ornatylǵan kólikterdiń el aýmaǵyna kirýine tyiym salmaq. Bul týraly búgin Úkimet otyrysynda QR Energetika ministri Bolat Aqsholaqov aitty, dep habarlaidy QazAqparat.
«Qazirgi ýaqytta ministrlik janar-jaǵarmai materialdary salasyn turaqtandyrýǵa baǵyttalǵan is-sharalardy ázirledi. Onyń ishinde benzin men dizel otynyna baǵalardy memlekettik retteýdi belgileý, munai ónimderin bólshek saýdada ótkizýge shekti baǵalardy belgileý boiynsha tiisti buiryqtar qabyldandy», - dedi ministr.
Onyń atap ótýinshe, búginde AI-80 markaly benzin litrine 89 teńge, AI-92 men AI93 markaly benzin litrine 182 teńge, AI-95 markaly benzin litrine 215 teńge jáne dizel otyny (litrine 230-260 teńge bolyp belgilendi.
«Ministrlik Eýraziialyq ekonomikalyq odaqqa qatysýshy kórshi eldermen salystyrǵanda baǵalardyń birdei bolmaýyna bailanysty janar-jaǵarmai materialdary aǵyndaryna baqylaý júrgizý boiynsha qosymsha is-sharalar retinde mynalardy usynady: ózdiginen ornatylǵan baktary bar kóliktiń kirýine tyiym salý; tranzittik kólikpen táýligine 1 retten artyq ótýdi shekteý; keibir munai ónimderin Qazaqstan Respýblikasynan tys jerlerge eksporttyq keden bajyn tólemei temir jol kóligimen tiep-jóneltýge tyiym salý; ýákiletti organdar tarapynan shekaralarda munai ónimderin avtokólikpen áketýge tyiym salýdy baqylaýdy kúsheitý avtojanarmai quiý stantsiialarynda importtyq otynǵa saralanǵan baǵa belgileý múmkindigi; kóktemgi dala jumystary úshin dizel otynyn jetkizý rásimderin naqty reglamentteý; benzinder men dizel otynyn qospaǵanda, munai ónimderi men jartylai fabrikattarǵa eksporttyq kedendik bajdy munaidyń eksporttyq kedendik bajynyń deńgeiinen tómen emes ulǵaitý múmkindigin qarastyrý», - dedi Bolat Aqsholaqov.
