Álemdegi kóshýge eń qolaily elderdiń reitingi jariialandy, dep habarlaidy ult.kz remitly.com-ǵa silteme jasap.
Remitly kompaniiasy 2026 jylǵa arnalǵan immigratsiia indeksin jariialady. Zertteýde 82 memleket 34 kórsetkish boiynsha baǵalanǵan. Olardyń qatarynda ómir súrý quny, baspana baǵasy, bilim berý júiesi, meditsina sapasy, qaýipsizdik deńgeii, tabys kólemi jáne turǵyndardyń ómir sapasy siiaqty kórsetkishter bar.
Biylǵy reitingte birinshi orynǵa Shveitsariia shyqty. Sarapshylar eldegi joǵary jalaqy, meditsinalyq kómektiń qoljetimdiligi men qaýipsizdik deńgeiiniń joǵarylyǵyn atap ótken. Sonymen qatar halyqaralyq mektepterdiń kóptigi men damyǵan infraqurylym da Shveitsariianyń kósh bastaýyna áser etken.
Ekinshi orynǵa Islandiia jaiǵasty. El joǵary ómir sapasy, qaýipsizdigi jáne ekologiialyq jaǵdaiymen erekshelenedi. Úzdik úshtikti Liýksembýrg túiindedi. Sarapshylar munda joǵary tabys pen qoǵamdyq kóliktiń tiimdi uiymdastyrylǵanyn aitqan.
Alǵashqy bestikke Eýropadan tys jalǵyz memleket — Avstraliia endi. Sondai-aq Germaniia da kóship kelýshiler úshin turaqty ekonomikasy men eńbek quqyqtarynyń qorǵalýyna bailanysty joǵary baǵalanǵan.
2026 jylǵy kóshýge eń qolaily 10 el:
Shveitsariia
Islandiia
Liýksembýrg
Avstraliia
Germaniia
Irlandiia
AQSh
Daniia
Norvegiia
Ispaniia
Balaly otbasylar úshin eń qolaily el retinde Ispaniia tanyldy. Zertteýde bilim berý júiesi, dekrettik demalys, bala kútimine ketetin shyǵyndar men halyqaralyq mektepterdiń sany eskerilgen.
Sondai-aq Remitly ómir súrý shyǵyndary men tabys arasyndaǵy tiimdi tepe-teńdik boiynsha Saýd Arabiiasyn kóshbasshy dep atady. Eýropa elderi arasynda bul kórsetkish boiynsha Norvegiia men Daniia aldyńǵy oryndarǵa shyqqan.
