Foto: gov.kz
Qaraǵandy oblysynyń prokýratýrasy Kostenko shahtasynda kenshilerdiń qaza tabýyna qatysty 106 tomdyq qylmystyq isti sotqa jiberdi, dep habarlaidy Ult.kz.
Habarlamada aitylǵandai sotqa deiingi tergeýdi Bas prokýratýranyń arnaiy prokýrorlary Ishki ister ministrligi, Sybailas jemqorlyqqa qarsy is-qimyl agenttigi, Qarjylyq monitoring agenttigi jáne Tótenshe jaǵdailar ministrligi qyzmetkerleriniń qatysýymen júrgizdi.
Tergeý barysynda jazataiym oqiǵaǵa taý-ken jumystary kezinde qaýipsizdik erejeleriniń jappai buzylýy sebep bolǵany anyqtaldy. Kómir óndirý alańyndaǵy jarylys, shoǵyrlanýy ruqsat etilgen standarttardan aitarlyqtai asyp ketken kómir shańynyń jarylystarynyń tizbekti reaktsiiasyn týdyryp, 46 kenshi qaza taýyp, 28 kenshi jaraqattandy.
Shahta basshylyǵy men injenerlik-tehnikalyq qyzmetkerler qatarynan 10 adam qylmystyq jaýapkershilikke tartyldy. Barlyǵy qamaýda. Olarǵa Qazaqstan Respýblikasy Qylmystyq kodeksiniń 277-babynyń 3-bóligi boiynsha («taý-ken jumystary kezinde qaýipsizdik erejelerin buzý») aiyp taǵyldy, atalǵan bap boiynsha 8 jylǵa deiin bas bostandyǵynan aiyrý jazasy qarastyrylǵan.
Is boiynsha 74 adam jábirlenýshi retinde tanyldy.
Materialdar negizi boiynsha qaraý úshin Qaraǵandy qalasynyń Álihan Bókeihan aýdanynyń aýdandyq sotyna jiberildi.
