Foto: Polisia.kz
Qostanaida “CyberPol” qyzmetkerleri turǵyndardy 20 mln teńgege san soqtyrǵan alaiaqty anyqtady, – dep habarlaidy Polisia.kz.
Qostanai oblysynyń politsiiasyna qalanyń 6 turǵynynan “Sizdiń qyzyńyz jol kólik oqiǵasyna tústi” degen dástúrli shemany paidalana otyryp, alaiaqtar aldaǵany týraly aryz kelip túsken. Zalal somasy 20 mln teńgeden asty.
Oblystyq PD baspasóz qyzmetiniń málimetinshe, barlyq ótinish boiynsha QR QK-niń 190-baby 3-bóligi (Alaiaqtyq) boiynsha sotqa deiingi tergeý bastalǵan. Tergeýge “Cyberpol” bólimshesi men Qostanai qalasy politsiia basqarmasynyń qyzmetkerleri kirisken.
"Jedel-tergeý is-qimyldaryn júrgizý kezinde oblys ortalynyń 6 turǵyny zardap shekkeni anyqtaldy. Olardyń barlyǵy - zeinetkerlik jáne zeinetkerlik jasqa deiingi adamdar. Olarǵa úi telefonyna qońyraýlar kelip, belgisiz adamdar týystarynyń apatqa ushyraǵanyn habarlaǵan. Alaiaqtar qolda bar aqshany berýdi suraǵan", – dedi “CyberPol” bólimshesiniń qyzmetkeri Oljas Magyparov.
Sonymen birge jábirlenýshiler ózderiniń úiine kelip otyrǵan qyzǵa aqsha bergen. Onyń syrtqy kelbeti týraly sipattamalar ártúrli bolǵan. Ol jasandy shash aýystyryp otyrǵan. Sondai-aq qara kózildirikti jáne ár túrli bas kiimderdi qoldanǵan.
"Alaiaq Qostanai qalasyndaǵy qonaq úilerdiń birinde liýks nómirinde ustaldy. Odan 800 myń teńge somasynda aqsha alyndy. Ol qalǵan qarajatty qymbat telefon, zattar men oiyn-saýyq quraldaryn satyp alýǵa jumsaǵan", – deidi Oljas Magyparov.
Qazirgi ýaqytta kúdikti QR QIJK-niń 128-baby tártibimen ÝUI-ǵa qamalǵan.
