Qostanai oblysynyń politseileri Qarabalyq aýdanynyń Aqqudyq aýylynda eki sibir eligin atyp alǵandardy qolǵa túsirdi, dep habarlaidy "Ult aqparat".
Politsiianyń baspasóz qyzmeti taratqan aqparatqa súiensek, «Brakoner» operatsiiasy barysynda Qarabalyq aýdandyq politsiia bóliminiń ýchaskelik inspektory Azar Nuralinov Aqqudyq aýylynyń mańynda qoryqshy Maqsut Shakibaevpen birge «VAZ 21093» markaly avtokóligin toqtatqan. Kólik ishinde 26 jáne 29 jastaǵy eki adam bolǵan. Kóliktiń júksalǵyshynan atyp alynǵan Sibir eligi tabyldy. Kúdiktiler Qarabalyq kentiniń turǵyndary bolyp shyqty.
«QR «Qyzyl kitabyna» engizilgen janýarlar men qustardy zańsyz aýlaý ákimshilik nemese qylmystyq jaýapkershilikke ákep soǵady. Árbir jaǵdaida atylǵan mal úshin memleketke zalal óteledi. Zańsyz ań aýlaý deregimen QR Qylmystyq kodeksiniń 337-baby 1-bóligi boiynsha sotqa deiingi tergeý bastaldy. Politseiler tirkelmegen tegis uńǵyly myltyq pen «VAZ» avtomashinasyn tárkiledi», - dep atap ótti Tabiǵatty qorǵaý politsiiasy bóliminiń aǵa inspektory Ǵazretǵali Álimǵazin.
Politseiler osyndai reidtik sharalardyń únemi ótkizilip turatynyn eske saldy.
