Jeli qoldanýshylary Qostanai oblysyndaǵy Michýrin mektebiniń direktory Ainash Dadanovanyń sózin qyzý talqylap jatyr. 36 jyldan beri pedagog qyzmetinde kele jatqan onyń oqýshylarymen dóreki sóilesken sáti taralyp ketti, dep habarlaidy Ulysmedia.kz.
Direktor Nikita esimdi oqýshyny «ýnitazben basyńdy jaramyn» dep qorqytan.
«Saǵan mektepte ne unamaidy? Múmkin, men unamaityn shyǵarmyn?! Eshkimmen qaljyńdasatyn jaǵdaiym joq. 36 jyldan beri mektepte jumys istep kelem. Sen siiaqtylarymen ne istegenimdi aitaiyn ba? Basyn ýnitazǵa tyǵatyn edim... Kelesi joly basyńdy ýnitazben jaramyn jáne eshkim bilmeitin bolady. Senimen ázildesip turǵanym joq, bul sońǵy ret bolsyn», - deidi direktor oqýshyǵa.
Direktordyń qatqyl sózin oqýshy diktofonǵa jazyp alǵan. Búginde mektep direktoryna sógis jariialandy.
«Bul jaǵdai oqýshylar mektep múlkin birneshe ret búldirgen soń bolǵan. Mektepte ata-analar jinalysy ótip, direktor keshirim surady. Eki jaq tatýlasty. Qostanai aýdandyq bilim basqarmasynyń etika bólimi direktorǵa sógis jariialady», - dedi Qostanai oblystyq bilim basqarmasynyń baspasóz bólimi.
Qazirgi tańda atalǵan isti politsiia tekserip jatyr.
