Qostanaida júrgizýshi qatty jyldamdyqpen pitstseriiaǵa kirip ketti, zardap shekkender bar, - dep habarlaidy Tengrinews.kz.
Oqys oqiǵa keshki ýaqytta bolǵan. Lexus kóliginiń júrgizýshisi Abai dańǵylymen kele jatyp, qatty jyldamdyqpen pitstseriiaǵa kirip ketken. Qoǵamdyq tamaqtandyrý nysany aialdamaǵa jaqyn ornalasqan.
"Lexus kóligin tizgindegen 32 jastaǵy júrgizýshi qatty jyldamdyqpen kele jatyp jol apatyn jasady. Qazirgi ýaqytta politseiler QR Qylmystyq kodeksiniń 345-baby 1-bóligi boiynsha sotqa deiingi tergeý amaldaryn bastady. Qajetti tergeý áreketteri júrgizilip jatyr, saraptamalar taǵaiyndaldy, qalǵan málimetter tergeý múddesi úshin jariialanbaidy", - dep habarlady Qostanai oblysynyń politsiia departamentiniń baspasóz qyzmeti.
