Qostanai oblysynda qoǵamdyq tamaqtandyrý obektileri, onyń ishinde qala syrtyndaǵy jol boiy servisi qyzmetine ruqsat berildi. Bul týraly Qostanai oblysynyń memlekettik sanitariialyq bas dárigeri E. Daýletbaev qabyldaǵan jańa qaýlyda kórsetilgen, dep habarlaidy "Ult aqparat".
«Qoǵamdyq tamaqtandyrý obektileriniń qyzmetine ruqsat beriledi, nysan bir mezgilde 30 adamǵa deiin ǵana qyzmet kórsete alady. 1 ústel basynda 4 adamnan aspaityn kelýshiler qamtamasyz etilsin. Ústelder arasyndaǵy qashyqtyq keminde 2 metr bolýy kerek, jumys rejimi saǵat 08:00-den 23:00-ge deiin belgilenedi. Saltanatty, otbasylyq, estelik, ujymdyq is-sharalar ótkizilmeidi. Jumys kúnderi jáne senbi kúnderi saǵat 23:00-den keiin, sondai-aq jeksenbide «alyp ketý, jetkizý» qaǵidatymen jumys isteidi. Azyq-túlik dúkenderiniń, onyń ishinde shaǵyn marketterdiń, sýpermarketterdiń, gipermarketterdiń qyzmetine saǵat 08:00-den 23:00-ge deiin ruqsat beriledi, bul rette avtojanarmai quiý stantsiialary janyndaǵy shaǵyn marketterdiń qyzmetiniń jumysyna shekteý qoiylmaidy. Kinozaldardyń, oiyn-saýyq ortalyqtarynyń jumysyna ruqsat etilmeidi», delingen qaýlyda.
Óńirde aýdany 2000 sharshy metrden asatyn azyq-túlik emes saýda nysandarynyń, saýda-oiyn-saýyq ortalyqtarynyń jumysy jeksenbi kúni toqtatylady. Azyq-túlik jáne azyq-túlik emes bazarlardyń, jabyq bazarlardyń jumysy kestesi saǵat 10:00-den 19:00-ge deiin belgilendi.
Sonymen qatar jańa qaýlyda mynadai jeńildetý sharalary qarastyrylǵan:
1) dárihanalardyń, optikany ótkizý dúkenderiniń jáne meditsinalyq maqsattaǵy taýarlardyń qyzmetine ýaqyt boiynsha shekteýsiz ruqsat berý;
2) aimaqtarǵa bólý talaptaryn jáne kúsheitilgen sanitariialyq-dezinfektsiialyq rejimdi saqtai otyryp, meditsinalyq ortalyqtardyń (jazba boiynsha) qyzmetine ruqsat berý;
3) epidemiiaǵa qarsy sharalardy saqtai otyryp, meditsinalyq tekserýler men profilaktikalyq egýlerdi qospaǵanda, MSAK uiymdarynda josparly skriningter kórsetýdi toqtata turý;
4) meditsinalyq uiymdarda, qarttar men múmkindigi shekteýli adamdarǵa arnalǵan meditsinalyq-áleýmettik obektilerde, balalar úilerinde, balalar úilerinde, áleýmettik ońaltý ortalyqtarynda, múgedek balalarǵa arnalǵan, internat úlgisindegi oqý oryndarynda sanitariialyq-dezinfektsiialyq rejimdi saqtaý.
