Qostanai oblysy bas sanitarlyq dárigeriniń jańa qaýlysy shyqty, dep habarlaidy "Ult aqparat".
Qostanai oblysynda epidemiologiialyq jaǵdaidyń nasharlaýy baiqalady. Sońǵy aptada koronavirýstyń jańa jaǵdailarynyń sany 2 esege jýyq ósken. Osyǵan bailanysty Qostanai oblysy bas sanitariialyq dárigeri karantindik sharalardy kúsheitý týraly birqatar sheshim qabyldady:
– Taksi júrgizýshileri men jolaýshylar mindetti túrde betperde kiiýi kerek;
– Kosmetikalyq jáne kosmetologiialyq qyzmetter kórsetetin shashtarazdar, SPA-ortalyqtar, sulýlyq salondary, manikiýr jáne pedikiýr qyzmetteri, massaj salondary, soliariiler - 08:00-den 19:00-ge deiin, aldyn ala jazylý boiynsha (1 kelýshige 4 sharshy metr) júredi;
– Azyq-túlik dúkenderi, sonyń ishinde shaǵyn marketter, sýpermarketter, gipermarketter 08:00-den 21:00-ge deiin ǵana jumys isteidi;
– Jinalystar men otyrystardy qashyqtan ótkizý múmkindigi bolmaǵan jaǵdaida ǵana kúndizgi rejimde ótkizýge bolady. Árine, barlyq sanitarlyq normalar saqtalady;
– 65 jastan asqan adamdarǵa jáne halyqtyń áleýmettik qorǵalatyn toptaryna qajetti taýarlardy, azyq-túlik pen dári-dármekterdi jetkizýmen ainalysatyn eriktilerdiń jumys tobyn jandandyrý;
«Politsiia departamenti qyzmetkerlerine turǵyn úi sektoryn, bazarlardy, saýda nysandaryn, saiabaqtardy, skverlerdi, aýlaishilik balalar oiyn jáne sport alańdaryn, qoǵamdyq kólikti patrýldeý quqyǵy beriledi. Maska rejimi men áleýmettik qashyqtyqty saqtaý tekseriledi. Ýchaskelik qyzmet toby otbasylyq, ujymdyq jáne basqa da buqaralyq is-sharalardy (úilený toilary, eske alý jáne t.b.) anyqtaidy. Árbir tártipbuzýshylyqqa keiinnen oblystyń sanqyzmetine beriletin baianhat resimdeletin bolady. Sondai-aq, politsiia qyzmetkerleri úi karantinindegi adamdardy da baqylaidy», delingen Qostanai oblysy bas sanitariialyq dárigeriniń jańa qaýlysynda.
