Foto: © Polisia.kz
Qostanaida bir top jeke tulǵa agroónerkásiptik keshendi damytýdyń 2021-2025 jyldarǵa arnalǵan ulttyq jobasy boiynsha sýbsidiia retinde bólingen 500 million teńgeden asa qarjyny jymqyrdy degen kúdikke ilindi, - dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
2022 jyldan búginge deiin áreket etip kelgen uiymdasqan qylmystyq toptyń áreketin Qarjy monitoring agenttiginiń Qostanai oblysy boiynsha departamentiniń qyzmetkerleri oblys prokýratýrasynyń kómegimen áshkerelegen.
Qylmystyq shema boiynsha sharýa qojalyqtary shyn máninde joq ónimdi qaita óńdeý zaýytyna jalǵan jetkizip, olar úshin sýbsidiialar tólenip, uiymdasqan qylmystyq topqa qatysýshylar arasynda úlestirilgen.
Uiymdastyrýshy men onyń eki sybailasy qamaýǵa alynyp, sot olardy 2 aiǵa qamaýǵa alý týraly sanktsiia berdi.
Sotaldy tergeý jalǵasyp jatyr.
