فوتو: © Polisia.kz
قوستانايدا بٸر توپ جەكە تۇلعا اگروٶنەركەسٸپتٸك كەشەندٸ دامىتۋدىڭ 2021-2025 جىلدارعا ارنالعان ۇلتتىق جوباسى بويىنشا سۋبسيدييا رەتٸندە بٶلٸنگەن 500 ميلليون تەڭگەدەن اسا قارجىنى جىمقىردى دەگەن كٷدٸككە ٸلٸندٸ, - دەپ حابارلايدى "ۇلت اقپارات" قارجىلىق مونيتورينگ اگەنتتٸگٸنٸڭ باسپاسٶز قىزمەتٸنە سٸلتەمە جاساپ.
2022 جىلدان بٷگٸنگە دەيٸن ەرەكەت ەتٸپ كەلگەن ۇيىمداسقان قىلمىستىق توپتىڭ ەرەكەتٸن قارجى مونيتورينگ اگەنتتٸگٸنٸڭ قوستاناي وبلىسى بويىنشا دەپارتامەنتٸنٸڭ قىزمەتكەرلەرٸ وبلىس پروكۋراتۋراسىنىڭ كٶمەگٸمەن ەشكەرەلەگەن.
قىلمىستىق سحەما بويىنشا شارۋا قوجالىقتارى شىن مەنٸندە جوق ٶنٸمدٸ قايتا ٶڭدەۋ زاۋىتىنا جالعان جەتكٸزٸپ, ولار ٷشٸن سۋبسيدييالار تٶلەنٸپ, ۇيىمداسقان قىلمىستىق توپقا قاتىسۋشىلار اراسىندا ٷلەستٸرٸلگەن.
ۇيىمداستىرۋشى مەن ونىڭ ەكٸ سىبايلاسى قاماۋعا الىنىپ, سوت ولاردى 2 ايعا قاماۋعا الۋ تۋرالى سانكتسييا بەردٸ.
سوتالدى تەرگەۋ جالعاسىپ جاتىر.
