Qostanai qalasynda áiel adamdy pyshaqtap ketken jergilikti turǵyn ustaldy, dep habarlaidy "Ult aqparat".
Aqparatty oblystyq politsiia departamentiniń baspasóz qyzmeti rastady. Oqiǵa 14 qarasha kúni Gagarin kóshesinde bolǵan.
«38 jastaǵy áielge pyshaqpen shabýyl jasaý faktisi boiynsha «Adam óltirýge oqtalý» babymen sotqa deiingi tergeý bastaldy. Qazirgi ýaqytta Qostanai qalasynyń 41 jastaǵy turǵyny ustaldy. Er adam jábirlenýshige birneshe pyshaq jaraqatyn salǵan. Áiel aýrýhanaǵa jetkizilip, tiisti em-dom sharalaryn alyp jatyr», - deidi vedomstvonyń baspasóz qyzmetindegiler.
Qazir osy derek boiynsha tergeý amaldary júrgizilip jatyr. Basqa málimetter keiinirek habarlanady.
