Qostanai oblysy politsiia departamenti qyzmetkeriniń elektrondy poshtasyna avtovokzalǵa qoiylǵan «bomba» týraly habarlama tústi. Bul týraly jýrnalistermen ótken brifingte oblystyq politsiia departamentin ekstremizmge qarsy is-qimyl basqarmasy bastyǵynyń orynbasary Erlan Sembin málim etti, dep habarlaidy "Ult aqparat".
«2021 jylǵy 1 aqpan kúni politsiia departamenti qyzmetkeriniń elektrondyq poshtasyna avtovokzal aýmaǵyna jarylǵysh zattyń qoiylǵany, terrorlyq akt týraly habarlama kelip tústi. Avtovokzal ǵimaratynan 40 adam evakýatsiialandy. Ǵimarat arnaiy mamandardyń kúshimen tekserildi, eshqandai jarylǵysh zat tabylǵan joq», - dedi Erlan Sembin.
Eske salaiyq, osyǵan uqsas habarlama politsiia departamentine birneshe ret túsken.Qazir derekter boiynsha tergep-tekserý amaldary júrgizilýde. Erlan Sembin aitqandai, jalǵan aqparatty bir adam taratyp otyrýy múmkin.
