قوستاناي وبلىسى پوليتسييا دەپارتامەنتٸ قىزمەتكەرٸنٸڭ ەلەكتروندى پوشتاسىنا اۆتوۆوكزالعا قويىلعان «بومبا» تۋرالى حابارلاما تٷستٸ. بۇل تۋرالى جۋرناليستەرمەن ٶتكەن بريفينگتە وبلىستىق پوليتسييا دەپارتامەنتٸن ەكسترەميزمگە قارسى ٸس-قيمىل باسقارماسى باستىعىنىڭ ورىنباسارى ەرلان سەمبين مەلٸم ەتتٸ, دەپ حابارلايدى "ۇلت اقپارات".
«2021 جىلعى 1 اقپان كٷنٸ پوليتسييا دەپارتامەنتٸ قىزمەتكەرٸنٸڭ ەلەكتروندىق پوشتاسىنا اۆتوۆوكزال اۋماعىنا جارىلعىش زاتتىڭ قويىلعانى, تەررورلىق اكت تۋرالى حابارلاما كەلٸپ تٷستٸ. اۆتوۆوكزال عيماراتىنان 40 ادام ەۆاكۋاتسييالاندى. عيمارات ارنايى مامانداردىڭ كٷشٸمەن تەكسەرٸلدٸ, ەشقانداي جارىلعىش زات تابىلعان جوق», - دەدٸ ەرلان سەمبين.
ەسكە سالايىق, وسىعان ۇقساس حابارلاما پوليتسييا دەپارتامەنتٸنە بٸرنەشە رەت تٷسكەن.قازٸر دەرەكتەر بويىنشا تەرگەپ-تەكسەرۋ امالدارى جٷرگٸزٸلۋدە. ەرلان سەمبين ايتقانداي, جالعان اقپاراتتى بٸر ادام تاراتىپ وتىرۋى مٷمكٸن.
