Qostanai oblysynda karantin sharalaryna qaramastan qudalyq ótkizip, toi jasaǵandar anyqtaldy, dep habarlaidy "Ult aqparat" oblystyq Politsiia departamentiniń baspasóz qyzmetine silteme jasap.
Qostanai oblysynda qatań shekteý sharalary belgilendi. Soǵan qaramastan toi jasap, otbasylyq otyrystar ótkizetinder qatary tyiylmai tur. Tek 17 qarasha kúni merekelik jáne eske alý is-sharalaryn ótkizýdiń 5 deregi anyqtaldy.
«17 qarasha kúni Jangeldin aýdany, Aqshyǵanaq aýylynyń turǵyny óz úiine 30 adamdy shaqyryp, qudalyq ótkizdi. Rýdnyi qalasynyń monitoringtik toby ótken «Oktava-K» kafesinde 20 adamnyń qatysýymen eske alý túski asyn ótkizgenderdi anyqtady. Denisov aýdanynda saǵat 12.30 shamasynda jol boiynda ornalasqan «Túie moinaq» dámhanasy kelýshilerge qyzmet kórsetken. Áýliekól aýdanynyń Amanqaraǵai aýylynda reid sharalary barysynda «Vostok» azyq-túlik dúkenindegi karantin rejiminiń buzylýy tirkeldi», delingen politsiianyń baspasóz qyzmeti taratqan aqparatta.
Qostanailyq politseiler Uzynkól aýdany, Obaǵan aýylynda júk kóligin toqtatyp, tekserdi. Kólikti Túrkistan oblysynyń turǵyny basqarǵan. Ol tiisti qujattarsyz 37 bas jylqyny tasymaldaǵan. Aýmaqtyq veterinariia komitetiniń qyzmetkerleri QR ÁQBtK-niń 406-baby boiynsha material jinady. Jalpy 17 qarashada sanitarlyq beketterde 10418 avtokólik tekserildi, onyń ishinde 3 kóliktiń oblys shekarasyna kirýine tyiym salyndy.
