قوستاناي وبلىسىندا كارانتين شارالارىنا قاراماستان قۇدالىق ٶتكٸزٸپ, توي جاساعاندار انىقتالدى, دەپ حابارلايدى "ۇلت اقپارات" وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
قوستاناي وبلىسىندا قاتاڭ شەكتەۋ شارالارى بەلگٸلەندٸ. سوعان قاراماستان توي جاساپ, وتباسىلىق وتىرىستار ٶتكٸزەتٸندەر قاتارى تىيىلماي تۇر. تەك 17 قاراشا كٷنٸ مەرەكەلٸك جەنە ەسكە الۋ ٸس-شارالارىن ٶتكٸزۋدٸڭ 5 دەرەگٸ انىقتالدى.
«17 قاراشا كٷنٸ جانگەلدين اۋدانى, اقشىعاناق اۋىلىنىڭ تۇرعىنى ٶز ٷيٸنە 30 ادامدى شاقىرىپ, قۇدالىق ٶتكٸزدٸ. رۋدنىي قالاسىنىڭ مونيتورينگتٸك توبى ٶتكەن «وكتاۆا-ك» كافەسٸندە 20 ادامنىڭ قاتىسۋىمەن ەسكە الۋ تٷسكٸ اسىن ٶتكٸزگەندەردٸ انىقتادى. دەنيسوۆ اۋدانىندا ساعات 12.30 شاماسىندا جول بويىندا ورنالاسقان «تٷيە مويناق» دەمحاناسى كەلۋشٸلەرگە قىزمەت كٶرسەتكەن. ەۋليەكٶل اۋدانىنىڭ امانقاراعاي اۋىلىندا رەيد شارالارى بارىسىندا «ۆوستوك» ازىق-تٷلٸك دٷكەنٸندەگٸ كارانتين رەجيمٸنٸڭ بۇزىلۋى تٸركەلدٸ», دەلٸنگەن پوليتسييانىڭ باسپاسٶز قىزمەتٸ تاراتقان اقپاراتتا.
قوستانايلىق پوليتسەيلەر ۇزىنكٶل اۋدانى, وباعان اۋىلىندا جٷك كٶلٸگٸن توقتاتىپ, تەكسەردٸ. كٶلٸكتٸ تٷركٸستان وبلىسىنىڭ تۇرعىنى باسقارعان. ول تيٸستٸ قۇجاتتارسىز 37 باس جىلقىنى تاسىمالداعان. اۋماقتىق ۆەتەرينارييا كوميتەتٸنٸڭ قىزمەتكەرلەرٸ قر ەقبتك-نٸڭ 406-بابى بويىنشا ماتەريال جينادى. جالپى 17 قاراشادا سانيتارلىق بەكەتتەردە 10418 اۆتوكٶلٸك تەكسەرٸلدٸ, ونىڭ ٸشٸندە 3 كٶلٸكتٸڭ وبلىس شەكاراسىنا كٸرۋٸنە تىيىم سالىندى.
