Qostanai oblysynyń memlekettik sanitarlyq bas dárigeri E. Dáýletbaev karantin sharalaryn kezeń-kezeńimen jeńildetý týraly qaýly qabyldady, dep habarlaidy "Ult aqparat" oblys ákimdiginiń jedel shtabyna silteme jasap.
Jańa qaýlyǵa sáikes, búgin saǵat 00:00-den bastap qoǵamdyq kólikterdiń qozǵalysyna ruqsat berildi. Bul rette avtobýstar sońǵy aialdamada dezinfektsiialaý quraldarymen mindetti túrde óńdelýi kerek, sondai-aq, jolaýshylardy qoǵamdyq kólikke maskasyz kirgizilmeidi.
Karantin sharalary jeńildetilgenimen, oiyn-saýyq mekemeleriniń (karaoke, biliard, qorqor, kompiýter klýby, túngi klýb, boýling ortalyǵy, jabyq úi-jailardaǵy balalardyń oiyn alańdary men attraktsiondar, batýt jáne basqalarf), banket zaldarynyń, býkmeker keńseleriniń qyzmeti ýaqytsha toqtatylady. Al fýdkorttar tek «alyp ketý jáne jetkizý» qaǵidatymen jumys isteidi.
Sanitariia dárigeriniń buǵan deiingi qaýlysyna mynadai ózgerister endi:
1) kinoteatrlardyń, teatrlardyń (otyrǵyzý oryndary sanynyń 20%-nan aspaityn) jumys isteýine ruqsat berý, bul rette kórermenderdi oryndarǵa «shahmat» tártibimen ornalastyrý; kúsheitilgen sanitariialyq-epidemiiaǵa qarsy, sanitariialyq-profilaktikalyq is-sharalardy saqtaý, aktsiialardy ótkizbeý;
2) mádeniet obektilerine kelýshiler 30-dan aspaidy jeke jáne toptyq daiyndyqtar ótkizýge ruqsat etilsin;
3) qoǵamdyq tamaqtandyrý obektileriniń, onyń ishinde qala syrtyndaǵy jol boiyndaǵy servistiń qoǵamdyq tamaqtandyrý obektileriniń qyzmetine ruqsat berý (toltyrylýy 50% - dan aspaidy jáne bir mezgilde 30-dan aspaityn kelýshiler bolǵan jaǵdaida), 1 ústelde 4 adamnan artyq otyrmaidy, ústelder arasyndaǵy qashyqtyq keminde 2 metr, saǵat 07:00-den 24:00-ge deiin jumys rejimi belgilenedi;
4) kúsheitilgen sanitariialyq-dezinfektsiialyq rejimdi saqtai otyryp, azyq-túlik emes dúkenderdegi saýda, oiyn-saýyq ortalyqtarynyń qyzmetine ruqsat berý.
5) aýdany 2000 sharshy metrden astam azyq-túlik emes saýda obektileriniń, onyń ishinde azyq – túlik dúkenderin, dárihanalardy, olardaǵy kinoteatrlardy qospaǵanda, saýda-oiyn-saýyq ortalyqtarynyń jumysy jeksenbi kúni toqtatyla tursyn;
6) kosmetikalyq jáne kosmetologiialyq qyzmetter kórsetetin shashtarazdar, sulýlyq salondary, ortalyqtar men salondar, manikiýr jáne pedikiýr qyzmetteri, massaj salondary, soliariiler qyzmetine aldyn ala jazylý boiynsha ruqsat berý;
7) jumys kestesin saǵat 07:00-den 22:00-ge deiin belgilei otyryp, jabyq sport obektileriniń (sport kesheni, sport mektebi, sport klýby, jattyǵý zaly, fitnes ortalyǵy, sport - saýyqtyrý ortalyǵy jáne basqalar) jumysyna ruqsat berý.
