Tártip saqshylary Uzynkól aýdanynda sibir eligin atyp alǵandardy qolǵa túsirdi, dep habarlaidy "Ult aqparat" oblystyq politsiia departamentiniń baspasóz qyzmetine silteme jasap.
Uzynkól aýdandyq politsiia bóliminiń ýchaskelik inspektory Denis Nesin men Presnogorkov aýyldyq okrýginiń qoryqshysy Vladimir Iashin Koniaevo kóliniń mańynda Toyota Hilux avtokóligin tekserdi.
«Kólikte Qostanai qalasy men Beloglinka aýylynyń 3 turǵyny bolǵan. Jol talǵamaityn kóliktiń janynda zańsyz atylǵan eliktiń terisi jatty. Tekserý barysynda politseiler 16 kalibrli eki uńǵyly myltyqty tárkiledi. Atalǵan derek QR QK 337-baby 3-bóligi boiynsha tirkeldi, qazir tergeý sharalary júrgizilýde», - delingen politsiia departamenti taratqan aqparatta.
Jyl basynan beri politseiler zańsyz ań aýlaýdyń 12 faktisin tirkedi.
