Messendjerler men áleýmettik jelilerde Qazaqstannyń ortalyǵynda Resei áskeri ornalasqandyǵy týraly aqparat tarap jatyr. Onda Qostanaida júrgen reseilik áskeri tehnikanyń beinejazbasy kórsetilgen.

Bul aqparatqa qatysty Qorǵanys ministrligi túsinikteme berdi, dep habarlaidy "Ult aqparat" StopFake.kz portalyna silteme jasap.

«Qostanai oblysynda júrgen reseilik tehnikanyń qozǵalysyna qatysty, beinejazbada izdeý-qutqarý komandalaryn qamtamasyz etý bólimshesiniń legi quramynda Baiqońyrdan Resei Federatsiiasyndaǵy turaqty ornalasý pýnktterine ketý barysy kórsetilgenin habarlaimyz. Bólimshe Qostanai oblysynyń Arqalyq aýdanyna qonǵan ǵaryshkerler kapsýlasyn izdeý maqsatynda aǵymdaǵy jyldyń 14 naýryzynan bastap Qazaqstanda boldy.

Buryn habarlanǵandai, Baiqońyr ǵarysh ailaǵynan «Soiýz MS-21» ǵarysh kemesi ushyryldy, sondai-aq «Soiýz MS–19» kemesi qonǵan bolatyn», – dep habarlady vedomstvodan.