مەسسەندجەرلەر مەن ەلەۋمەتتٸك جەلٸلەردە قازاقستاننىڭ ورتالىعىندا رەسەي ەسكەرٸ ورنالاسقاندىعى تۋرالى اقپارات تاراپ جاتىر. وندا قوستانايدا جٷرگەن رەسەيلٸك ەسكەري تەحنيكانىڭ بەينەجازباسى كٶرسەتٸلگەن.
بۇل اقپاراتقا قاتىستى قورعانىس مينيسترلٸگٸ تٷسٸنٸكتەمە بەردٸ, دەپ حابارلايدى "ۇلت اقپارات" StopFake.kz پورتالىنا سٸلتەمە جاساپ.
«قوستاناي وبلىسىندا جٷرگەن رەسەيلٸك تەحنيكانىڭ قوزعالىسىنا قاتىستى, بەينەجازبادا ٸزدەۋ-قۇتقارۋ كوماندالارىن قامتاماسىز ەتۋ بٶلٸمشەسٸنٸڭ لەگٸ قۇرامىندا بايقوڭىردان رەسەي فەدەراتسيياسىنداعى تۇراقتى ورنالاسۋ پۋنكتتەرٸنە كەتۋ بارىسى كٶرسەتٸلگەنٸن حابارلايمىز. بٶلٸمشە قوستاناي وبلىسىنىڭ ارقالىق اۋدانىنا قونعان عارىشكەرلەر كاپسۋلاسىن ٸزدەۋ ماقساتىندا اعىمداعى جىلدىڭ 14 ناۋرىزىنان باستاپ قازاقستاندا بولدى.
بۇرىن حابارلانعانداي, بايقوڭىر عارىش ايلاعىنان «سويۋز مس-21» عارىش كەمەسٸ ۇشىرىلدى, سونداي-اق «سويۋز مس–19» كەمەسٸ قونعان بولاتىن», – دەپ حابارلادى ۆەدومستۆودان.
