QR Qarjy ministrligi Qarjy monitoringi komitetiniń Qostanai oblysy boiynsha Ekonomikalyq tergeý departamenti Qostanaida bir tulǵanyń zańǵa qaishy áreketiniń jolyn kesti, dep habarlaidy "Ult aqparat" komitettiń baspasóz qyzmetine silteme jasap.
Atalmysh áreket «Stop-OBNAL» jedel-aldyn alý sharasy aiasynda jáne «Qyran» arnaiy bólimshesiniń kómegimen júrgizildi.
Qylmystyq top 2017 jyldan qazirgi ýaqytqa deiin zańdy tulǵalardyń atynan Qostanai oblysynyń kásipkerlik sýbektileriniń atyna is júzinde jumystar oryndalmai, qyzmetter kórsetilmei, taýarlar tiep-jóneltilmei jalǵan shot-faktýralardy jazyp otyrǵan.
Júrgizilgen tintý barysynda jalǵan firmalardyń 6 móri, 3 ETsQ, kassalyq apparattar, quryltai qujattary, býhgalterlik qujattama, kompiýterler jáne iske qatysty basqa zattar anyqtaldy.
«Memleketke keltirilgen zalaldyń boljamdalǵan somasy 170 mln. teńgeden asady. Atalǵan fakt boiynsha QR QK 216-b sáikes sotqa deiingi tergeý júrgizilýde»,-delingen habarlamada.
