Demalys kúnderi Qostanai oblysynyń monitoring toptary saltanatty sharalardy ótkizýdiń toǵyz faktisin anyqtady, dep habarlaidy "Ult aqparat" óńirlik politsiia departamentiniń baspasóz qyzmetine silteme jasap.
Monitoring toptary 5 toi men 4 týǵan kún keshin anyqtaǵan. Olardyń barlyǵynda adam kóp bolǵan.
«Oblystyń koronavirýstyń taralýy boiynsha «qyzyl» aimaqta ekenine qaramastan, óńirde karantin rejimin buzý faktileri anyqtalyp jatyr. Mysaly, Amangeldi aýdanynyń Esir aýylyndaǵy toiǵa 100 adam jinalǵan. Al osy aýdannyń Amangeldi aýylynda 30 adam jinalǵan taǵy bir toi ótken. Jitiqara qalasyndaǵy kafede 35 adam neke qiiý rásimin toilaǵan», - dep mysal keltirdi politsiiadan.
Basqa faktiler oblystyń Áýliekól, Naýryzym aýdandarynda, Rýdnyi jáne Qostanai qalalarynda anyqtalǵan.
Barlyq tártip buzýshylyq boiynsha materialdar Qostanai oblysynyń Sanitariialyq-epidemiologiialyq baqylaý departamentine tiisti sharalar qabyldaý úshin jiberildi. Barlyǵy osy jyldyń basynan bastap monitoring toptary 10 927 reid júrgizip, karantindik rejimdi buzýdyń 872 faktisin anyqtaǵan.
