Qostanai oblysynyń bas memlekettik sanitarlyq dárigeri 2021 jylǵy 27 sáýirdegi №14 qaýlysynyń kúshin joidy, dep habarlaidy "Ult aqparat".
Óńirdiń bas sanitarlyq dárigeriniń qaýlysynda 2021 jylǵy 4 aqpandaǵy № 5 qaýlyǵa mynadai ózgerister engiziletini aitylǵan.
Dini nysandardyń (meshit, shirkeý, sobor, sinagoga jáne t. b.) qyzmetine ujymdyq Qudaiǵa qulshylyq etýge jáne buqaralyq is-sharalarǵa, onyń ishinde «juma», «taraýyq», «ait» namazdary men «aýyzashar», sondai-aq Pashany merekeleýge saltanatty is-sharalar ótkizbei, mekemedegi qoǵamdyq tamaqtaný nysandarynyń jumysyna tyiym sala otyryp, bir adamǵa keminde 4 sharshy metr oryn saqtai otyryp ruqsat berildi.
«Meshitter, pravoslav shirkeýleri jáne basqa da dini obektiler aýmaǵynda ujymdyq dini is-sharalardy (onyń ishinde «juma namaz», kúndelikti pravoslavielik duǵalar jáne basqalar) ashyq aýada ótkizý maska rejimin jáne bir adamǵa keminde 4 metr esebimen áleýmettik qashyqty saqtaǵan kezde júzege asyrylady. Qostanai oblysynyń bas memlekettik sanitarlyq dárigeriniń 2021 jylǵy 27 sáýirdegi № 14 qaýlysynyń kúshi joiyldy dep tanylsyn» - dep jazylǵan qaýlyda.
