Qostanai politseileri 2014 jyly tirkelgen qylmysty ashty, dep habarlaidy "Ult aqparat".
Is derekterinde kórsetilgendei, Beloglinka aýylynyń turǵyny 2014 jyldyń qarasha aiynan bastap habar-osharsyz joǵalyp ketken. Ol kezde politsiiaǵa izdeý salynǵan adamnyń ápkesi aryzdanǵan. Politsiia atalǵan fakti boiynsha politsiia qylmystyq is qozǵady.
«2020 jyldyń 26 sáýirinde Beloglinka aýylynyń ýchaskelik inspektoryna aýyl turǵyny júgindi. Ol jaqynda satyp alǵan úiinen qapqa salynǵan áiel adamnyń dene bólshekterin kórgenin aitty. Bul 2014 jyly joǵalyp ketken áieldiń denesi bolýy múmkin. Saraptama júrgizilýde»,- dep habarlady oblystyq politsiia departamenti baspasóz qyzmetindegiler.
Qarabalyq aýdany politsiia bóliminiń qyzmetkerleri joǵalyp ketken áieldiń ólimine qatysty kúdiktini ustady. Ol 62 jastaǵy Beloglinka aýylynyń turǵyny bolyp shyqty. Kúdikti buryn isti bolǵan. Atalǵan derek boiynsha QR QK «Adam óltirý» babymen sotqa deiingi tergeý júrgizilýde.
