قوستاناي پوليتسەيلەرٸ 2014 جىلى تٸركەلگەن قىلمىستى اشتى, دەپ حابارلايدى "ۇلت اقپارات".
ٸس دەرەكتەرٸندە كٶرسەتٸلگەندەي, بەلوگلينكا اۋىلىنىڭ تۇرعىنى 2014 جىلدىڭ قاراشا ايىنان باستاپ حابار-وشارسىز جوعالىپ كەتكەن. ول كەزدە پوليتسيياعا ٸزدەۋ سالىنعان ادامنىڭ ەپكەسٸ ارىزدانعان. پوليتسييا اتالعان فاكتٸ بويىنشا پوليتسييا قىلمىستىق ٸس قوزعادى.
«2020 جىلدىڭ 26 سەۋٸرٸندە بەلوگلينكا اۋىلىنىڭ ۋچاسكەلٸك ينسپەكتورىنا اۋىل تۇرعىنى جٷگٸندٸ. ول جاقىندا ساتىپ العان ٷيٸنەن قاپقا سالىنعان ەيەل ادامنىڭ دەنە بٶلشەكتەرٸن كٶرگەنٸن ايتتى. بۇل 2014 جىلى جوعالىپ كەتكەن ەيەلدٸڭ دەنەسٸ بولۋى مٷمكٸن. ساراپتاما جٷرگٸزٸلۋدە»,- دەپ حابارلادى وبلىستىق پوليتسييا دەپارتامەنتٸ باسپاسٶز قىزمەتٸندەگٸلەر.
قارابالىق اۋدانى پوليتسييا بٶلٸمٸنٸڭ قىزمەتكەرلەرٸ جوعالىپ كەتكەن ەيەلدٸڭ ٶلٸمٸنە قاتىستى كٷدٸكتٸنٸ ۇستادى. ول 62 جاستاعى بەلوگلينكا اۋىلىنىڭ تۇرعىنى بولىپ شىقتى. كٷدٸكتٸ بۇرىن ٸستٸ بولعان. اتالعان دەرەك بويىنشا قر قك «ادام ٶلتٸرۋ» بابىمەن سوتقا دەيٸنگٸ تەرگەۋ جٷرگٸزٸلۋدە.
