Foto: polisia.kz
Qostanai oblysynda 25 mln teńgeniń malyn urlaǵan kúdiktiler ustaldy, – dep habarlaidy Ult.kz Polisia.kz-ke silteme jasap.
Sońǵy alty ai ishinde bir top adam Arqalyq qalasy men oǵan jaqyn aýyldyq okrýgterdiń aýmaǵynda segiz adamnyń maldaryn urlaǵan. Qylmystyq áreketpen 14 bas iri qara men 30 jylqy urlanǵan. Keltirilgen zalal 25 mln teńgeden astam somany qurady.
Politseiler júrgizgen jedel-izdestirý is-sharalary barysynda 27 men 59 jas aralyǵyndaǵy bes jergilikti turǵynnan turatyn top anyqtalyp, ustaldy. Politsiia qyzmetkerleri 15 jylqyny tárkilep, ielerine qaitardy. 14 iri qara mal basyna qatysty zalal aqshalai kólemde óteldi.
Adamdar tobynyń quramynda asa iri mólsherde mal urlyǵyn jasaý faktisi boiynsha politsiia sotqa deiingi tergeý júrgizýde. Kúdiktiler ýaqytsha ustaý izoliatoryna qamaldy. Osy aýyr qylmysty jasaǵany úshin olardyń múlki tárkilenip, jeti jyldan on eki jylǵa deiingi merzimge bas bostandyǵynan aiyrylýy múmkin.
