فوتو: polisia.kz
قوستاناي وبلىسىندا 25 ملن تەڭگەنٸڭ مالىن ۇرلاعان كٷدٸكتٸلەر ۇستالدى, – دەپ حابارلايدى Ult.kz Polisia.kz-كە سٸلتەمە جاساپ.
سوڭعى التى اي ٸشٸندە بٸر توپ ادام ارقالىق قالاسى مەن وعان جاقىن اۋىلدىق وكرۋگتەردٸڭ اۋماعىندا سەگٸز ادامنىڭ مالدارىن ۇرلاعان. قىلمىستىق ەرەكەتپەن 14 باس ٸرٸ قارا مەن 30 جىلقى ۇرلانعان. كەلتٸرٸلگەن زالال 25 ملن تەڭگەدەن استام سومانى قۇرادى.
پوليتسەيلەر جٷرگٸزگەن جەدەل-ٸزدەستٸرۋ ٸس-شارالارى بارىسىندا 27 مەن 59 جاس ارالىعىنداعى بەس جەرگٸلٸكتٸ تۇرعىننان تۇراتىن توپ انىقتالىپ, ۇستالدى. پوليتسييا قىزمەتكەرلەرٸ 15 جىلقىنى تەركٸلەپ, يەلەرٸنە قايتاردى. 14 ٸرٸ قارا مال باسىنا قاتىستى زالال اقشالاي كٶلەمدە ٶتەلدٸ.
ادامدار توبىنىڭ قۇرامىندا اسا ٸرٸ مٶلشەردە مال ۇرلىعىن جاساۋ فاكتٸسٸ بويىنشا پوليتسييا سوتقا دەيٸنگٸ تەرگەۋ جٷرگٸزۋدە. كٷدٸكتٸلەر ۋاقىتشا ۇستاۋ يزولياتورىنا قامالدى. وسى اۋىر قىلمىستى جاساعانى ٷشٸن ولاردىڭ مٷلكٸ تەركٸلەنٸپ, جەتٸ جىلدان ون ەكٸ جىلعا دەيٸنگٸ مەرزٸمگە باس بوستاندىعىنان ايىرىلۋى مٷمكٸن.
