Foto: ashyq derekkóz
Jitiqara qalasynda otbasylyq janjal qaiǵyly oqiǵaǵa ulasty. Ógei ákesinen anasyn qorǵaǵan 15 jastaǵy jasóspirim pyshaq jaraqatynan kóz jumdy, dep habarlaidy Ult.kz.
Qostanai oblysy politsiia departamentiniń málimetinshe, 25 sáýir kúni erli-zaiyptylar arasynda janjal týyndaǵan. Tóbeles barysynda 37 jastaǵy áiel pyshaq jaraqatyn alǵan. Osy sátte onyń aldyńǵy nekeden týǵan uly arasha túsken, alaida aýyr jaraqat alyp, oqiǵa ornynda qaza bolǵan.
Atalǵan derek boiynsha adam óltirý jáne adam óltirýge oqtalý baptary boiynsha qylmystyq is qozǵaldy. Kúdikti — áieldiń jubaiy — ustalyp, ýaqytsha ustaý izoliatoryna qamaldy.
Tergeý amaldary júrgizilýde.
