Foto: Tengrinews.kz
№2 sot Qostanai ákiminiń burynǵy orynbasary jáne TKSh bóliminiń eks-bastyǵyna qatysty qylmystyq isti qarady, - dep habarlaidy Tengrinews.kz tilshisi.
2020 jyly ortalyq jaǵajai aimaǵyndaǵy saiabaqty jóndeý boiynsha konkýrsqa sáikes ákimdiktiń turǵyn úi-kommýnaldyq sharýashylyq bóliminiń burynǵy basshysy biýdjet qarajatynyń únemdelgen somasyna túzetý smetasyn, saiabaqta óndirilgen shaǵyn arhitektýralyq pishinderdiń naryǵy men baǵasyna taldaý jasamaǵan.
Tergeýshilerdiń aitýynsha, bul abaisyzdyq saldarynan memleketke asa iri kólemde jalpy somasy 76 081 791 teńge zalal keltirý.
"Qostanai ákimdiginiń TKSh bólimi burynǵy basshysy men Qostanai ákiminiń eks-orynbasary óziniń qyzmettik ókiletin asyra paidalanyp (2021 jylǵy sáýirde Qostanaida) "D" JK-ǵa brýschatkalardy tósegeni úshin ótelmegen qaryzy týraly bile tura, "S" JShS-men jasalǵan shart boiynsha merdigerlerge qaryzdy kompaniia qarajatymen óteý qajet ekenin aitqan.
Kásipkerlik qyzmetti júzege asyrýda jasandy kedergi jasaýdan qaýiptengen kásiporyn direktorlary "D" JK-ǵa 1,5 million teńge aýdarǵan", - dedi Qostanai oblysy sot baspasóz qyzmetkerleri.
2021 jylǵy naýryzda qalany abattandyrý boiynsha imidjdik beinematerialdardy daiyndaǵan kezde jaýapkerler birneshe JShS-dan aqsha suraǵan, nátijesinde kásiporyndar jalpy somasy 1 million teńge aýdarǵan.
"Prokýror sottalýshyǵa (ákimdiktiń TKSh bólimi burynǵy basshysy) QK-niń 371-baby 2-bóligi boiynsha 6 ai bas bostandyǵyn shekteýge, QK-niń 361-baby 1-bóligi boiynsha 1 jyl bas bostandyǵyn shekteýge, QK-niń 58-baby 2-bóligi negizinde qylmystyq quqyq buzýshylyq jiyntyǵy boiynsha 1 jyl bas bostandyǵyn shekteýge jáne ómir boiy memlekettik qyzmette qyzmet atqarýǵa tyiym salynýyn surady.
QK-niń 361-baby 1-bóligi boiynsha Qostanai ákiminiń burynǵy orynbasaryn 1 jyl bas bostandyǵyn shektep, memlekettik qyzmette qyzmet atqarýǵa ómir boiyna tyiym salý suraldy. "QR Táýelsizdiginiń otyz jyldyǵyna bailanysty raqymshylyq jasaý týraly" QR Zańynyń 2-baby, 4-tarmaǵy negizinde prokýror sottalýshylardy bas bostandyǵyn shekteý túrindegi negizgi jazadan bosatýdy surady", - dedi oblystyq sot baspasóz qyzmetkerleri.
Úkimdi taǵaiyndaý kezinde sot aiyptalýshylardyń jaýapkershiligi men jazasyn jeńildetetin mán-jailar retinde: jas balalardyń bolýy, materialdyq zalaldy óz erkimen óteý, ókiný, qylmystyq quqyq buzýshylyqty ashýǵa belsendi úles qosýyn eskerdi.
"QR Táýelsizdiginiń otyz jyldyǵyna bailanysty raqymshylyq jasaý týraly" Zańnyń 2-baby 1-tarmaǵynyń 1) tarmaqshasyna sáikes qylmystyq teris qylyqtar jáne (nemese) onsha aýyr emes qylmystar jasaǵan adamdar jazadan bosatylady. Sottalýshylardyń is-áreketi raqymshylyq aktisi kúshine enetinin, ony qoldaný týraly ótinish bildirgenin, olardyń quqyqqa qarsy is-áreketin "Raqymshylyq jasaý týraly" Zań shyqqanǵa deiin jasaǵanyn eskere otyryp, sot olardy kináli dep tanydy jáne bas bostandyǵyn shekteý túrindegi negizgi jazany óteýden bosatty, qosymsha jaza - memlekettik qyzmette qyzmet atqarýǵa ómir boiyna tyiym salýdy qaldyrdy", - dedi Qostanai oblystyq sot baspasóz qyzmetkerleri.
Úkim zańdy kúshine engen joq.
