Aqmola oblysynyń Qosshy qalasynda «esirtki óndirisin» ashqan shetel azamaty ustaldy, dep habarlaidy QazAqparat.
Oblystyq PD baspasóz qyzmetiniń málimetinshe, Qosshy qalalyq politsiia bóliminiń esirtki qylmysyna qarsy is-qimyl basqarmasynyń qyzmetkerleri «Lesnaia poliana» turǵyn úi massiviniń aýmaǵynda 31 jastaǵy jergilikti turǵyndy ustaǵan.
Er adamnan temeki shegýge arnalǵan qoldan jasalǵan quraldar jáne ósimdik tektes zat, erekshe iisi bar 100-ge jýyq sirińke qoraby tárkilendi. Alynǵan zat marihýana ekeni anyqtaldy.
«Politsiia qyzmetkerleri tabylǵan esirtkini satý jolyn anyqtaý maqsatynda Qosshy qalasynda júrgizgen arnaiy operatsiia barysynda Resei Federatsiiasynyń 39 jastaǵy azamatyn ustady. Sheteldik jaldap turǵan úiden keptirilgen belgili bir iisi bar sur-jasyl ósimdik tektes zat, sondai-aq, salmaǵy 19 kg bolatyn ósimdiktiń 35 butasy tárkilendi. Sonymen birge, esirtki ósirýge jáne óndirýge arnalǵan ártúrli qurylǵylar, sonyń ishinde kún sáýlesin modeldeýge arnalǵan arnaiy shamdar, topyraqqa arnalǵan tyńaitqysh jáne temperatýra sensorlary tabyldy», - dedi vedomstvodan.
Er adam 2011 jyldyń tamyz aiynan bastap Resei Federatsiiasy Qylmystyq kodeksiniń 111-baby boiynsha memleketaralyq izdeýde júrgen.
«Qazirgi ýaqytta QR QK 297-baby 2-bóligine sáikes quramynda esirtki bar ósimdikterdi zańsyz ósirý deregi boiynsha qylmystyq is qozǵaldy. Politsiia qyzmetkerleri qajetti tergeý sharalaryn júrgizip jatyr. Aiyptalýshy qamaýǵa alyndy», - dep tolyqtyrdy vedomstvodan.
