Boran saldarynan elorda men Qosshy qalasy aralyǵyndaǵy jolda birneshe avtokólik jáne avtobýs soqtyǵysty, dep habarlaidy QazAqparat.
Áleýmettik jelidegi taraǵan videoda 10-nan astam kólik Qosshy qalasy mańynda soqtyǵysqany kórinip tur. Olardyń arasynda jolaýshylar avtobýsy da bar.
Video avtory boranǵa bailanysty turǵyndardy jolǵa shyqpaýǵa keńes berip tur.
Elordalyq politsiia departamenti osyndai jol-kólik oqiǵasy bolǵanyn rastady. Oqiǵa ornyna politsiia nariady barǵan. Osy oraida kólik apatynyń sebebi men zardap shekkender týraly naqty aqparat qosymsha habarlanatyn bolady.
