Aqordada Qazaqstan Respýblikasynyń Memlekettik hatshysy Qyrymbek Kósherbaevtyń tóraǵalyǵymen Qazaqstan Respýblikasy Prezidentiniń janyndaǵy Sybailas jemqorlyqqa qarsy is-qimyl jónindegi komissiianyń otyrysy ótti, dep habarlaidy "Ult aqparat" Aqordanyń baspasóz qyzmetine silteme jasap.
Komissiia sý resýrstar salasyndaǵy zańdylyqtyń saqtalýy, Memleket basshysynyń biznesti zańsyz ákimshilik qysymnan jáne qylmystyq qýdalaý qaterinen korǵaý jónindegi máselelerdi qarady.
Otyrysta Joǵarǵy sot, Bas prokýratýra, Respýblikalyq biýdjettiń atqarylýyn baqylaý jónindegi Esep komiteti, Sybailas jemqorlyqqa qarsy is-qimyl agenttigi, Qarjy ministrligi, Ulttyq ekonomika ministrligi, Indýstriia jáne infraqurylymdyq damý ministrligi, Ekologiia, geologiia jáne tabiǵi resýrstar ministrligi, sondai-aq, «Atameken» UKP basshylarynyń esepteri tyńdaldy.
Talqylaý barysynda komissiia músheleri Ekologiia, geologiia jáne tabiǵi resýrstar ministrligi Sý resýrstary komitetiniń respýblikada sýmen qamtamasyz etý sapasyn edáýir tómendetýge jol bergen júiesiz olqylyqtaryna nazar aýdardy. Atap aitsaq gidrotehnikalyq nysandardyń 42 paiyzy apattyq jaǵdaida tur, magistraldyq sý toraptaryndaǵy shyǵyndy azaitý, ońaltý jáne jańa infraqurylymdar qurylysyna qatysty problemalar ótkir kúiinde tur.
Biyl komitetti jáne onyń qurylymdyq bólimshelerin tekserý barysynda qymqyrý, qarjylyq zań buzýshylyqtar, biýdjet qarajatyn tiimsiz josparlaý jáne paidalanýdyń kóptegen faktileri anyqtaldy. Sonyń saldarynan zańdylyqtyń buzylýy boiynsha 26 usynym engizilip, shyǵynnyń jalpy somasy 8 milliardtan astam teńgeni quraityn 25 fakti boiynsha sot aldy tergeý jumystary bastaldy. Sońǵy jyldary Sybailas jemqorlyqqa qarsy is-qimyl agenttigi komitettiń jáne oǵan qarasty uiymdardyń qyzmetkerleri tarapynan jasalǵan birqatar jemqorlyq qylmystaryn tirkedi, olardyń barlyǵy qylmystyq jaýapkershilikke tartyldy.
Osyndai sybailas jemqorlyq quqyq buzýshylyqtarynyń jolyn kesý maqsatynda aiqyn ári ashyqtyq, izgilik qaǵidattaryn keń túrde engizý jáne respýblikada qoǵamdyq baqylaýdy júzege asyrý úshin arnaiy qurylǵan «Adaldyq alańy» jobalyq ofisi sheńberinde sybailas jemqorlyqqa qarsy jumys júrgizýdiń mańyzdylyǵy atap ótildi.
Kásipkerlik erkindiginiń konstitýtsiialyq quqyǵyn iske asyrý máselesi boiynsha Memlekettik hatshy Qyrymbek Kósherbaev baqylaý, qadaǵalaý qyzmeti salasynda keń aýqymdy zańnamalyq reformalar júrgizilgenin basa aitty.
Bul oraida kásipkerlik sýbektilerine qatysty qylmystyq isterdi tirkeý qysqartylyp, ákimshilik jáne qylmystyq zańnama izgilendirildi, sonymen qatar, salyqtyq quqyq buzýshylyqty qylmyssyzdandyrýǵa baǵyttalǵan normalar qarastyryldy.
Sonymen qatar respýblikada zańsyz tekserý sany azaiyp, qaýip-qaterlerdi basqarýdy baǵalaý júiesi engizildi jáne adami faktordy boldyrmaýǵa, tekserý sýbektilerin derbes anyqtaýǵa múmkindik týǵyzatyn «TSOBT» (Tekserý sýbektileri men obektileriniń biryńǵai tizilimi) aqparattyq júiesi ázirlendi. Memlekettik organdardyń shaǵyn jáne orta bizneske zańsyz aralasý faktileriniń aldyn alý jumystary belsendi júrgizilýde, sol arqyly myńnan astam kásipkerdiń quqyǵyn qorǵaý múmkin boldy. Elimizdiń barlyq óńirlerinde biznes jobalardyń sybailas jemqorlyqqa qarsy súiemeldenýin qamtamasyz etetin front-ofister ashyldy.
Komissiia sheshimimen memlekettik organdarǵa sý resýrstaryn basqarý salasyndaǵy jobalardy iske asyrýda zańdylyqtyń saqtalýyn tekserý jóninde quqyq qorǵaý organdarynyń tiimdi jumysyn úilestirýdi qamtamasyz etý, sondai-aq, biznesti qorǵaý máselelerinde azamattyq-quqyqtyq qatynastarda reiderlik faktilerdi shekteý boiynsha ádistemelik usynymdardy ázirleý tapsyryldy. Otyrysty qorytyndylai kele Komissiia músheleri baqylaý-qadaǵalaý qyzmetin tsifrlandyrý máselesin jetildirýdi jáne sybailas jemqorlyqqa qarsy is-qimyl jóninde jurtshylyq arasynda aýqymdy aqparattyq jumys júrgizýdi usyndy.
