Qyrymbek Kósherbaev mádeniet jáne óner qairatkerlerine Qazaqstan Respýblikasynyń Tuńǵysh Prezidenti – Elbasynyń stipendiiasyn tabystady, dep habarlaidy "Ult aqparat" Aqordanyń baspasóz qyzmetine silteme jasap.
Qazaqstan Respýblikasynyń Memlekettik hatshysy Qyrymbek Kósherbaev Memleket basshysy Qasym-Jomart Toqaevtyń tapsyrmasy boiynsha belgili mádeniet jáne óner qairatkerlerine Qazaqstan Respýblikasynyń Tuńǵysh Prezidenti – Elbasynyń 2020 jylǵy mádeniet salasyndaǵy memlekettik stipendiiasyn tabys etti. Memlekettik stipendiia Qazaqstannyń 75 ádebiet pen óner qairatkerine taǵaiyndaldy. Saltanatty rásimge Qazaqstan Respýblikasynyń Mádeniet jáne sport ministri Aqtoty Raiymqulova jáne Almaty qalasynyń ákimi Baqytjan Saǵyntaev qatysty.
Memlekettik hatshy atap ótkendei, biylǵy jyl Qazaqstan Táýelsizdiginiń 30 jyldyǵy aiasynda ótedi. Demek Táýelsizdiktiń mereitoilyq jylynyń bastalýy Memleket basshysy Q.Q.Toqaevtyń «Táýelsizdik bárinen qymbat» atty baǵdarlamalyq maqalasynyń jaryqqa shyǵýymen erekshelendi.
El Prezidentiniń maqalasynda Táýelsizdiktiń ár onjyldyǵynyń tarihi máni, irgeli bastamalary men Tuńǵysh Prezident – Elbasy N.Á.Nazarbaevtyń sheshýshi róli, qazaq memlekettiligin qalyptastyrýdaǵy halqymyzdyń danalyǵy men birligi, eńbekqorlyǵy aiqyn jazylǵan. Memleket basshysy Táýelsizdigimizdiń qasietti qundylyqtary týraly zamanaýi túsinikti tereń ári aýqymdy túrde ashyp, aldaǵy tórtinshi onjyldyqtyń basty maqsattaryn aiqyndady.
Qyrymbek Kósherbaev bizdiń qoǵam Prezidenttiń maqalasyn memleketimizdiń damýyndaǵy jańa kezeńniń ideologiialyq tujyrymdamasy jáne baǵdarlamasy retinde qabyldaǵanyn basa aitty.
Máselen, Prezidenttiń halqymyzdyń san ǵasyrlyq shynaiy tarihyn, onyń ishinde sheteldik aýditoriiaǵa Qazaqstannyń qysqa tarihyn jazyp, álemniń negizgi tilderine aýdarý týraly bastamasy shyn máninde de strategiialyq mańyzdy másele. Sondyqtan qazaq ziialylaryna ulttyq múddeler men jańa ǵylymi tásilderdi eskere otyryp, óz tarihyn zerdeleý, pandemiianyń, jahandyq daǵdarystyń jáne saiasi týrbýlenttiliktiń qazirgi jaǵdaiynda qoǵam damýynyń ólshemderin aiqyndaý boiynsha orasan zor jumys júrgizý mindeti qoiyldy.
Memlekettik hatshy sonymen birge memlekettik qoldaý elimizdiń rýhani negizderin odan ári nyǵaitýǵa, qoǵamdyq sanany jańǵyrtýǵa jáne Táýelsizdigimizdiń qasietti qundylyqtaryn nasihattaýǵa múmkindik beretin jańa ideialar men jobalardy izdeýge tyń serpin beretinine senim bildirdi.
Qazaqstan Respýblikasynyń Tuńǵysh Prezidenti – Elbasy stipendiiasy Ábdijámil Nurpeiisov, Asanáli Áshimov, Nurǵali Núsipjanov, Aleksandr Garkovets, Dýlat Isabekov, Iranbek Orazbaev, Bolat Aiýhanov, Gýlvira Razieva jáne basqa da qazaq ádebieti men óneriniń maitalmandaryna tabystaldy.
Sonymen birge, aqyndar Baýyrjan Haliolla, Miras Asan, balerina Ásel Janǵasqaeva, akter Aian Ótepbergen, ónertanýshy Valeriia Nedlina jáne ózge de jas daryndarǵa memlekettik qoldaý kórsetildi.
