Foto: ashyq derekkóz
Óskemen qalasynda «ShQO memlekettik-jekeshelik áriptestik óńirlik ortalyǵy» AQ-nyń burynǵy basshysy Batyrbaev D.B. jáne ózge de tulǵalarǵa qatysty biýdjet qarajatyn jymqyrý, kásipkerlik qyzmetke zańsyz qatysý jáne qylmystyq jolmen alynǵan kiristerdi zańdastyrý faktileri boiynsha aiyptaý úkimi shyqty, dep habarlaidy Ult.kz.
Sot materialdaryna sáikes, 2019 jyly Óskemen jáne Semei qalalarynda kóshe jaryǵy júiesin jańǵyrtý jobasy iske asyrylǵan. Joba elektr energiiasyn únemdeý jáne jaryq sapasyn arttyrý maqsatynda eski shamdardy jaryqdiodty quraldarǵa aýystyrýdy kózdegen. Alaida tergeý barysynda kúdiktiler jabdyqtar men atqarylǵan jumystardyń qunyn negizsiz ósirip, memleketke 320 mln teńge kóleminde zalal keltirgeni anyqtaldy.
Sonymen qatar, qylmystyq jolmen alynǵan kiristerdi zańdastyrý úshin aktsionerlik qoǵamnyń burynǵy basshysy senimdi tulǵanyń atyna jaýapkershiligi shekteýli seriktestik tirkep, ony jalǵan sharttar arqyly qarajatty qolma-qol aqshaǵa ainaldyratyn qosalqy merdiger retinde paidalanǵan.
Sot úkimimen Batyrbaev D.B., Iu.G. Halitov jáne N.T. Papyshev 7 jylǵa bas bostandyǵynan aiyryldy. Azamattyq talap tolyq qanaǵattandyryldy.
Sondai-aq qylmystyq jolmen alynǵan qarajatqa satyp alynǵan múlik, onyń ishinde turǵyn úii bar jer ýchaskesi men avtokótergish tárkilendi.
Úkim zańdy kúshine endi.
