فوتو: اشىق دەرەككٶز
ٶسكەمەن قالاسىندا «شقو مەملەكەتتٸك-جەكەشەلٸك ەرٸپتەستٸك ٶڭٸرلٸك ورتالىعى» اق-نىڭ بۇرىنعى باسشىسى باتىرباەۆ د.ب. جەنە ٶزگە دە تۇلعالارعا قاتىستى بيۋدجەت قاراجاتىن جىمقىرۋ, كەسٸپكەرلٸك قىزمەتكە زاڭسىز قاتىسۋ جەنە قىلمىستىق جولمەن الىنعان كٸرٸستەردٸ زاڭداستىرۋ فاكتٸلەرٸ بويىنشا ايىپتاۋ ٷكٸمٸ شىقتى, دەپ حابارلايدى Ult.kz.
سوت ماتەريالدارىنا سەيكەس, 2019 جىلى ٶسكەمەن جەنە سەمەي قالالارىندا كٶشە جارىعى جٷيەسٸن جاڭعىرتۋ جوباسى ٸسكە اسىرىلعان. جوبا ەلەكتر ەنەرگيياسىن ٷنەمدەۋ جەنە جارىق ساپاسىن ارتتىرۋ ماقساتىندا ەسكٸ شامداردى جارىقديودتى قۇرالدارعا اۋىستىرۋدى كٶزدەگەن. الايدا تەرگەۋ بارىسىندا كٷدٸكتٸلەر جابدىقتار مەن اتقارىلعان جۇمىستاردىڭ قۇنىن نەگٸزسٸز ٶسٸرٸپ, مەملەكەتكە 320 ملن تەڭگە كٶلەمٸندە زالال كەلتٸرگەنٸ انىقتالدى.
سونىمەن قاتار, قىلمىستىق جولمەن الىنعان كٸرٸستەردٸ زاڭداستىرۋ ٷشٸن اكتسيونەرلٸك قوعامنىڭ بۇرىنعى باسشىسى سەنٸمدٸ تۇلعانىڭ اتىنا جاۋاپكەرشٸلٸگٸ شەكتەۋلٸ سەرٸكتەستٸك تٸركەپ, ونى جالعان شارتتار ارقىلى قاراجاتتى قولما-قول اقشاعا اينالدىراتىن قوسالقى مەردٸگەر رەتٸندە پايدالانعان.
سوت ٷكٸمٸمەن باتىرباەۆ د.ب., يۋ.گ. حاليتوۆ جەنە ن.ت. پاپىشەۆ 7 جىلعا باس بوستاندىعىنان ايىرىلدى. ازاماتتىق تالاپ تولىق قاناعاتتاندىرىلدى.
سونداي-اق قىلمىستىق جولمەن الىنعان قاراجاتقا ساتىپ الىنعان مٷلٸك, ونىڭ ٸشٸندە تۇرعىن ٷيٸ بار جەر ۋچاسكەسٸ مەن اۆتوكٶتەرگٸش تەركٸلەندٸ.
ٷكٸم زاڭدى كٷشٸنە ەندٸ.
