Koronavirýstyń shetelden tasymaldaný qaýpi áli de bar. Bul týraly QR Densaýlyq saqtaý vitse-ministri – Bas memlekettik sanitar dáriger Erlan Qiiasov aitty, dep habarlaidy "Ult aqparat".
«Memlekettik shekarada 14 elmen áýe qatynasy qaita jandanyp, reister sany aptasyna 95-ke deiin ulǵaiyp otyr. Jolaýshylardyń basym bóligi Nur-Sultan men Almaty qalasyna keledi. Áli de bolsa shetelden koronavirýstyń tasymaldaný qaýpi saqtalýda. 2020 jyldyń 6 qazanynan beri halyqaralyq áýe reisterimen 322 myńnan astam jolaýshy ushyp keldi. Olardyń ishinde 44 805 adam nemese jolaýshylardyń 14 paiyzy test tapsyrdy. Onyń ishinde 239 adamda koronavirýs anyqtaldy», - dedi ol Ortalyq kommýnikatsiialar qyzmetindegi baspasóz máslihatynda.
Bas memlekettik sanitar dárigerdiń málimetinshe, memlekettik shekaradaǵy avtomobil ótkizý beketteri arqyly Qazaqstanǵa 835 myńnan astam adam keldi. Olardyń 20 paiyzy test tapsyryp, nátijesinde 809 adamda oń nátije anyqtalyp otyr.
