كوروناۆيرۋستىڭ شەتەلدەن تاسىمالدانۋ قاۋپٸ ەلٸ دە بار. بۇل تۋرالى قر دەنساۋلىق ساقتاۋ ۆيتسە-مينيسترٸ – باس مەملەكەتتٸك سانيتار دەرٸگەر ەرلان قيياسوۆ ايتتى, دەپ حابارلايدى "ۇلت اقپارات".
«مەملەكەتتٸك شەكارادا 14 ەلمەن ەۋە قاتىناسى قايتا جاندانىپ, رەيستەر سانى اپتاسىنا 95-كە دەيٸن ۇلعايىپ وتىر. جولاۋشىلاردىڭ باسىم بٶلٸگٸ نۇر-سۇلتان مەن الماتى قالاسىنا كەلەدٸ. ەلٸ دە بولسا شەتەلدەن كوروناۆيرۋستىڭ تاسىمالدانۋ قاۋپٸ ساقتالۋدا. 2020 جىلدىڭ 6 قازانىنان بەرٸ حالىقارالىق ەۋە رەيستەرٸمەن 322 مىڭنان استام جولاۋشى ۇشىپ كەلدٸ. ولاردىڭ ٸشٸندە 44 805 ادام نەمەسە جولاۋشىلاردىڭ 14 پايىزى تەست تاپسىردى. ونىڭ ٸشٸندە 239 ادامدا كوروناۆيرۋس انىقتالدى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
باس مەملەكەتتٸك سانيتار دەرٸگەردٸڭ مەلٸمەتٸنشە, مەملەكەتتٸك شەكاراداعى اۆتوموبيل ٶتكٸزۋ بەكەتتەرٸ ارقىلى قازاقستانعا 835 مىڭنان استام ادام كەلدٸ. ولاردىڭ 20 پايىزى تەست تاپسىرىپ, نەتيجەسٸندە 809 ادامدا وڭ نەتيجە انىقتالىپ وتىر.
