Koronavirýstyń Qytaidan tys jerde taralýyna bailanysty týyndaǵan qorqynysh sezimi investorlardyń damýshy elderdiń aktivterinen shyǵýyna sebep boldy. Bul týraly QR Ulttyq bankiniń baspasóz qyzmeti Facebook-te jariia etti, dep habarlaidy "Ult aqparat".
QR Ulttyq banki Syrtqy valiýta naryǵynda oryn alǵan birqatar mańyzdy oqiǵalar týraly taldaý jasady.
Taldaýǵa sáikes, álemde AQSh dollary damyǵan elderdiń valiýtalarymen salystyrǵanda álsiregen.
Koronavirýstyń Qytaidan tys jerde taralýyna bailanysty týyndaǵan qorqynysh saldarynan investorlar damýshy elderdiń aktivterinen shyǵyp jatyr.
«Italiia, Ońtústik Koreia jáne Iran koronavirýspen aýyrý jaǵdailarynyń kúrt óskenin habarlady, DDSU koronavirýs indetiniń qaýiptiligin «óte joǵary» deńgeige kóterdi. AQSh federaldy rezerv júiesiniń tóraǵasy Djerom Paýell virýstyń taralýy AQSh-tyń ekonomikalyq ósýine «táýekelderdi týǵyzady» dedi. Qajet bolǵan jaǵdaida AQSh Ortalyq banki paiyzdyq mólsherlemelerdi tómendetýge daiyn ekendigin bildirdi», - dedi Ulttyq banktiń baspasóz qyzmeti.
Bas qarjylyq retteýshi osy faktorlar AQSh dollary baǵamynyń damyǵan elderdiń valiýtalarymen salystyrǵanda álsireýine soqtyrdy degen paiym aitty.
