QR Densaýlyq saqtaý vitse-ministri Ajar Ǵiniiat koronavirýsty qaita juqtyrý deregi Qaraǵandy oblysynda tirkelgenin aitty. Al Batys Qazaqstan oblysyndaǵy jaǵdai rastalmady, dep habarlaidy "Ult aqparat".
Ortalyq kommýnikatsiialar qyzmetindegi baspasóz máslihatynda elimizde koronavirýsty qaitadan juqtyrǵan adamdar týraly suraq qoiyldy.
«Keibir elden osyndai jańalyq shyǵyp jatyr. Qaitadan aýyrǵan adamdardyń bir-eki jaǵdaiy tirkelgenin álem elderinde dárigerler ózderiniń aqparattarynda jazyp jatyr. Batys Qazaqstandaǵy bolǵan jaǵdai - ol Batys Qazaqstan oblysynda eń birinshi bolǵan jaǵdai. Birinshi ret ol kisi aýyrǵanda epidemiologiialyq anamnezi, iaǵni kimnen juqqany, qaidan kelgeni belgisiz boldy. Sondyqtan qazirgi tańda osyǵan bailanysty qaitadan aýyrdy degendi komissiia tarapynan mamandar qarap, eseptemei otyr. Biraq Qaraǵandy oblysynda qazir bir jaǵdai tirkeldi. Birinshi jaǵdaiynda da aýrýdyń tolyq klinikalyq sipaty bolǵan. Barlyq instrýmentaldyq, zerthanalyq analizben dáleldengen. Ekinshi jaǵdai, osy qazan aiynyń ishinde sondai aýrýmen qaita túsip, PTR-testi oń bolǵan. Sondyqtan osyny biz qaitadan aýyrǵan jaǵdai dep tirkep otyrmyz», - dedi vitse-ministr.
Osy oraida ol Qaraǵandy oblysynda aýrýdy qaita juqtyrý naqty málimet retinde tirkelgenin aitty.
