قر دەنساۋلىق ساقتاۋ ۆيتسە-مينيسترٸ اجار عينييات كوروناۆيرۋستى قايتا جۇقتىرۋ دەرەگٸ قاراعاندى وبلىسىندا تٸركەلگەنٸن ايتتى. ال باتىس قازاقستان وبلىسىنداعى جاعداي راستالمادى, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا ەلٸمٸزدە كوروناۆيرۋستى قايتادان جۇقتىرعان ادامدار تۋرالى سۇراق قويىلدى.
«كەيبٸر ەلدەن وسىنداي جاڭالىق شىعىپ جاتىر. قايتادان اۋىرعان ادامداردىڭ بٸر-ەكٸ جاعدايى تٸركەلگەنٸن ەلەم ەلدەرٸندە دەرٸگەرلەر ٶزدەرٸنٸڭ اقپاراتتارىندا جازىپ جاتىر. باتىس قازاقستانداعى بولعان جاعداي - ول باتىس قازاقستان وبلىسىندا ەڭ بٸرٸنشٸ بولعان جاعداي. بٸرٸنشٸ رەت ول كٸسٸ اۋىرعاندا ەپيدەميولوگييالىق انامنەزٸ, ياعني كٸمنەن جۇققانى, قايدان كەلگەنٸ بەلگٸسٸز بولدى. سوندىقتان قازٸرگٸ تاڭدا وسىعان بايلانىستى قايتادان اۋىردى دەگەندٸ كوميسسييا تاراپىنان ماماندار قاراپ, ەسەپتەمەي وتىر. بٸراق قاراعاندى وبلىسىندا قازٸر بٸر جاعداي تٸركەلدٸ. بٸرٸنشٸ جاعدايىندا دا اۋرۋدىڭ تولىق كلينيكالىق سيپاتى بولعان. بارلىق ينسترۋمەنتالدىق, زەرتحانالىق اناليزبەن دەلەلدەنگەن. ەكٸنشٸ جاعداي, وسى قازان ايىنىڭ ٸشٸندە سونداي اۋرۋمەن قايتا تٷسٸپ, پتر-تەستٸ وڭ بولعان. سوندىقتان وسىنى بٸز قايتادان اۋىرعان جاعداي دەپ تٸركەپ وتىرمىز», - دەدٸ ۆيتسە-مينيستر.
وسى ورايدا ول قاراعاندى وبلىسىندا اۋرۋدى قايتا جۇقتىرۋ ناقتى مەلٸمەت رەتٸندە تٸركەلگەنٸن ايتتى.
