64 jastaǵy áieldiń koronavirýstan kóz jumǵanyna qatysty jańa málimetter jariialandy, dep habarlaidy "Ult aqparat".
Áieldiń ólimine eki jaqty pnevmoniia, tynys jetispeýshiligi, qant diabeti saldarynan bolǵan sepsis, gipertoniia jáne ateroskleroz sebep bolǵan. Pnevmoniianyń sebebi – koronavirýs.
«Naýqas meditsinalyq mekemege 25 naýryz kúni saǵat 07:00-de aýyr jaǵdaida jetkizilgen. Onda tynys alý jetkiliksizdigi, intoksikatsiia sindromy jáne sonymen qatar júretin patologiialardyń bolǵan. Algoritmge sáikes, COVID-19 bolýy múmkin degen kúdikpen JRVI-ge aldyn-ala tótenshe habarlama berilgen. Ol №2 Kópsalaly oblystyq aýrýhananyń oqshaýlanǵan bólmesine jatqyzylǵan. Týystarynyń aitýynsha, ol shetelge shyqpaǵan jáne JRVI, koronavirýs dertine shaldyqqandarmen bailanysta bolmaǵan. 13-17 naýryz aralyǵynda Almatyda jáne Shýda qonaqta bolǵan», - deidi Aqmola oblystyq densaýlyq saqtaý basqarmasynyń bastyǵy Súlen Iliiasov Habarda 24-te ótken tikelei efirde.
Onyń aitýynsha, naýqaspen bailanysta bolǵan adamdar oqshaýlatylyp, olardan koronavirýs synamalary alynǵan. Epidemiiaǵa qarsy qajetti sharalar júrgizilýde.
Súlen Iliiasov koronavirýstan kóz jumǵan áieldiń jaqyndaryna kóńil aitty.
Eske sala ketsek, buǵan deiin Qazaqstanda koronavirýs infektsiiasynan bir áiel qaitys bolǵany týraly jazdyq.
